თბილისის საქალაქო სასამართლოში მამუკა ხაზარაძის, ბადრი ჯაფარიძისა და ავთანდილ წერეთლის სასამართლო პროცესი მიმდინარეობს

თბილისის საქალაქო სასამართლოში მამუკა ხაზარაძის, ბადრი ჯაფარიძისა და ავთანდილ წერეთლის სასამართლო პროცესი მიმდინარეობს.

დღევანდელ პროცესს სამივე ბრალდებული უფლებადამცველებთან ერთად ესწრება. „ტვ პირველის“ მფლობელი ვახტანგ წერეთლის ადვოკატის, კახა წერეთელის ინფორმაციით, დღეს დაიკითხება რამდენიმე გამომძიებელი, რომლებიც სასამართლოს მოუყვებიან, თუ როგორ ჩაატარეს საგამოძიებო მოქმედებები.

ამასთან, სასამართლო განიხილავს დაცვის მხარის შუამდგომლობას მათ მიერ მოპოვებული მტკიცებულებების საქმეზე დართვის შესახებ.

„ჩვენი ინფორმაციით, დღეს დაიკითხება ერთი ან რამდენიმე გამომძიებელი, ისინი დაიკითხებიან ფორმალურ საკითხებთან დაკავშირებით, თუ როგორ ჩაატარეს საგამოძიებო მოქმედებები. პროკურატურამ 2020 წლის 20 მარტს გადმოგვცა მათ მიერ მოპოვებული მტკიცებულებები ჰოლანდიიდან, რომელიც ეხებოდა კონკრეტულ ტრანზაქციებს და ადასტურებს ჩვენი დაცვის ქვეშ მყოფების უდანაშაულობას. ეს მტკიცებულებები ჩვენ წარვადგინეთ, რადგან პროკურატურამ არ დაურთო საქმეს და საინტერესოა დათანხმდება თუ არა პროკურატურა ჩვენს შუამდგომლობას მათ მიერ მოპოვებული მტკიცებულებების დართვასთან დაკავშირებით”, - აღნიშნა კახა წერეთელმა.

ცნობისთვის, მამუკა ხაზარაძეს და ბადრი ჯაფარიძეს ბრალი წარედგინათ 2019 წლის 24 ივლისს ჯგუფურად 16 664 000 ამერიკული დოლარის უკანონო შემოსავლის ლეგალიზაციის ფაქტზე, რასაც თან ახლდა განსაკუთრებით დიდი ოდენობით შემოსავლის მიღება (დანაშაული გათვალისწინებული საქართველოს სისხლის სამართლის კოდექსის 194 მუხლის მე-2 ნაწილის ,,ა“ და მე-3 ნაწილის „გ“ ქვეპუნქტით).

რაც შეხება ავთანდილ წერეთელს, პროკურატურა ბიზნესმენს ბადრი ჯაფარიძისთვის და მამუკა ხაზარაძისთვის უკანონო შემოსავლების ლეგალიზებაში დახმარებას ედავება.

ამირან გამყრელიძე - თანამდებობის დატოვებას ვფიქრობდი, თუმცა ორი-სამი წლის შემდეგ, როცა ბოლომდე მივიყვანდი ორ დიდ ეროვნულ პროექტს, მაგრამ „კაცი ბჭობდა და ღმერთი იცინოდაო“
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
ქართული პრესის მიმოხილვა 22.09.2022
თანამედროვე უსაფრთხოების დილემა: ქართული მრავალწახნაგა
Hallo - პირველი ვირტუალური მობილური ოპერატორი საქართველოში
Hotsale.ge-მ ვებგვერდზე განთავსებულ კვების ობიექტებში ჰიგიენურ-სანიტარული ნორმების მონიტორინგი დაიწყო
iPhone 14 უკვე ელიტ ელექტრონიქსში
ბაზისბანკის და ინტელექტ-კლუბ რა? სად? როდის? 10-წლიანი პარტნიორობა გრძელდება
საერთაშორისო სამეცნიერო კონფერენცია - "ონკოლოგია და ბირთვული მედიცინა" გაიმართა
კარფური და მასტერქარდი „ერთად ბავშვებისთვის“