ეკა ბესელია „ტვ პირველის“ ოპერატორის გარდაცვალებაზე - რას ფიქრობს ხელისუფლება, რომელმაც თავის თავზე უნდა აიღოს პასუხისმგებლობა

ამ ვითარებაში რას ფიქრობს ხელისუფლება, რომელმაც თავის თავზე უნდა აიღოს პასუხისმგებლობა, როდესაც დაუშვა ასეთი ძალადობრივი ანგარიშსწორების დღე და არ გაიაზრა ამისი შესაძლო შედეგები , - ამის შესახებ პარტია „სამართლიანობისთვის“ ლიდერმა ეკა ბესელიამ განაცხადა, რთაც “ტვ პირველის“ ოპერატორის ლექსო ლაშქარავას გარდაცვალებას გამოეხმაურა.

ბესელიამ გარდაცვლილი ოპერატორის ოჯახს მიუსამძიმრა და აღნიშნა, რომ ძალადობის გამართლება არანაირი მოტივით არ შეიძლება.

"ვუსამძიმრებ ოჯახს, მედიის წარმომადგენლებს. ასეთ დროს სიტყვები არის უძლური. ვიცი, რომ ეს არის ყველაზე მეტად პროფესიაში მყოფი ადამინებისთვის ძალიან მძიმე დარტყმა. როგორც ჩანს, ასეთი მძიმე ტრაგედია არის ის კულმინაციური ეტაპი, როდესაც ადამიანები ვისაც უჭირთ სახელის დარქმევა, რომ ძალადობის გამართლება არანარი მოტივით არ შეიძლება, შემდეგ ალბათ, ახერხებენ ამ სახელის დარქმევას. ამ ვითარებაში რას ფიქრობს ხელისუფლება, რომელმაც თავის თავზე უნდა აიღოს პასუხისმგებლობა, როდესაც დაუშვა ასეთი ძალადობრივი ანგარიშწორების დღე და არ გაიაზრა ამისი შესაძლო შედეგები.

ლექსო შეიძლება იქვე გარდაცვლილოყო, როდესაც მას 20 ადამიანი სასტიკად ექცეოდა. იქ ის სასწაულად გადარჩა ისევე როგორც სასწაულად გადარჩნენ სხვა ჟურნალისტები. ან რატომ არ არის 4-ზე მეტი ადამიანი დაკავებული, როდესაც 20-მდე ადამიანი ძალადობდა მასზე" , - განაცხადა ბესელიამ.

ცნობისთვის, „ტვ პირველის“ ოპერატორი ლექსო ლაშქარავა საკუთარ სახლში გარდაცვლილი იპოვეს. ლექსო ლაშქარავას გარდაცვალების ფაქტზე გამოძიება საქართველოს სისხლის სამართლის კოდექსის 115-ე მუხლით დაიწყო. შსს-ს ინფორმაციით, მიმდინარე წლის 5 ივლისს, თბილისი პრაიდის წინააღმდეგ გამართული აქციის გაშუქების დროს, ინგოროყვას ქუჩაზე მდებარე ორგანიზაცია „სირცხვილიას“ ოფისში, ტელეკომპანია „ტვ 1“-ის ჟურნალისტსა და ოპერატორს, ალექსანდრე ლაშქარავას სამსახურებრივი მოვალეობის შესრულებისას ფიზიკური და სიტყვიერი შეურაცხყოფა მიაყენეს. ჟურნალისტის პროფესიულ საქმიანობაში ძალადობის მუქარით უკანონოდ ხელის შეშლის, ძალადობითა და ძალადობის მუქარით დევნის, ჯგუფური ძალადობის ფაქტებზე გამოძიება მიმდინარეობს და დაკავებულია 4 პირი.

ამირან გამყრელიძე - თანამდებობის დატოვებას ვფიქრობდი, თუმცა ორი-სამი წლის შემდეგ, როცა ბოლომდე მივიყვანდი ორ დიდ ეროვნულ პროექტს, მაგრამ „კაცი ბჭობდა და ღმერთი იცინოდაო“
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
ქართული პრესის მიმოხილვა 22.09.2022
თანამედროვე უსაფრთხოების დილემა: ქართული მრავალწახნაგა
Hallo - პირველი ვირტუალური მობილური ოპერატორი საქართველოში
Hotsale.ge-მ ვებგვერდზე განთავსებულ კვების ობიექტებში ჰიგიენურ-სანიტარული ნორმების მონიტორინგი დაიწყო
iPhone 14 უკვე ელიტ ელექტრონიქსში
ბაზისბანკის და ინტელექტ-კლუბ რა? სად? როდის? 10-წლიანი პარტნიორობა გრძელდება
საერთაშორისო სამეცნიერო კონფერენცია - "ონკოლოგია და ბირთვული მედიცინა" გაიმართა
კარფური და მასტერქარდი „ერთად ბავშვებისთვის“