ახალგაზრდობის სააგენტომ ევროკავშირის EU4Youth: Youth Engagement Roadmaps -ის პროექტის გუნდის ლიდერს კრისტიან ვაგნერსა და ექსპერტ ოლგა სტუზინსკაიას უმასპინძლა.
მათი ცნობით, შეხვედრის მიზანს წარმოადგენდა სააგენტოს, როგორც ახალგაზრდული სფეროს განვითარებაზე პასუხისმგებელი პროექტში ჩართულ სახელმწიფო უწყებასთან, მიმდინარე რეფორმის კომპონენტების განხილვა და თანამშრომლობის კონკრეტული ნაბიჯების დასახვა სამომავლოდ.
ახალგაზრდობის სააგენტოს განმარტებით, EU4Youth: Youth Engagement Roadmaps პროექტში ჩართულია აღმოსავლეთ პარტნიორობის 6 ქვეყანა. პროექტის მიზანია აღნიშნულ ქვეყნებში, საუკეთესო ევროპული პრაქტიკის დანერგვა, ახალგაზრდების მონაწილეობის, ტრენინგების, დასაქმების, მეწარმეობისა და ინკლუზიის მიმართულებით არსებული გამოწვევების შესწავლა და შესაბამისი რეკომენდაციების შემუშავება, სამომავლო თანამშრომლობისთვის.