რაზე უნდა ილაპარაკოს გომელაურმა მაშინ, როდესაც ადამიანია დაღუპული და დამნაშავეები რეალურად არ არიან დაკავებულები, - ამის შესახებ „ნაციონალური მოძრაობის“ წევრმა, ანა წითლიძემ ჟურნალისტებს განუცხადა.

მისივე თქმით, ოპოზიციონერი დეპუტატები პარლამენტში შესვლას და შს მინისტრის, ვახტანგ გომელაურის მოსმენას არ აპირებენ.

„გავშალეთ ლექსოს პლაკატები და უმრავლესობა, მანდატურების დახმარებით, შეეცადა ჩვენს გამოძევებას სხდომიდან. ჩვენ ვთქვით, რომ გომელაურს არ აქვს მორალური პასუხისხმგებლობა, იდგეს ასე მშვიდად მაშინ, როდესაც 50-ზე მეტი ჟურნალისტი სცემეს და ადამიანი გაიმეტეს სასიკვდილოდ. რაზე უნდა ილაპარაკოს გომელაურმა მაშინ, როდესაც ადამიანია დაღუპული, მაშინ როდესაც დამნაშავეები რეალურად, არ არიან დაკავებულები. ჯერჯერობით, არ ვაპირებთ, რომ შევიდეთ და მოვუსმინოთ მას, რადგან ჩვენ გომელაურს ვიბარებდით მანამდე, ორი დღით ადრე“, - განაცხადა ანა წითლიძემ.