ბადრი ჯაფარიძე შს მინისტრისგან „ლელოს“ დაკავებული წევრების - თაზო დათუნაშვილისა და გრიგოლ გეგელიას დაუყოვნებლივ გათავისუფლებას ითხოვს
დააკავეს „ლელოს“ ორი წევრი: გეგელია და დათუნაშვილი. მხოლოდ იმის გამო, რომ ისინი საშვებით შემოდიოდნენ პარლამენტში, - ამის შესახებ „ლელოს“ ერთ-ერთმა ლიდერმა, დეპუტატმა ბადრი ჯაფარიძემ პარლამენტის რიგგარეშე სესიის პლენარულ სხდომაზე განაცხადა.
ბადრი ჯაფარიძემ მიმართა შინაგან საქმეთა მინისტრს, რომ დაუყონებლივ გათავისუფლდნენ „ლელოს“ წევრები.
„ახლა დააკავეს „ლელოს“ ორი წევრი: გეგელია და დათუნაშვილი. მხოლოდ იმის გამო, რომ ისინი საშვებით შემოდიოდნენ პარლამენტში. მინისტრი აქ იმყოფება. ვთხოვ, დაუყონებლივ გაათავისუფლონ იმიტომ, რომ ადამიანები შემოდიოდნენ საშვებით. სხვა დანაშაული მათ არაფერი არ მიუძღვით“, - განაცხადა ბადრი ჯაფარიძემ.
