თბილისში, ლაღიძის ქუჩაზე გაჩენილი ხანძარი ლოკალიზებულია. აღნიშნულის შესახებ „ინტერპრესნიუსს“ საგანგებო სიტუაციების მართვის სამსახურში განუცხადეს.

ადგილზე სახანძრო-სამაშველო სამსახურის 20-მდე ეკიპაჟი მუშაობს.

ცნობისთვის, ლაღიძის ქუჩაზე ცეცხლი მიტოვებულ შენობაში გაჩნდა, სადაც არსებული ინფორმაციით, ერთი ოჯახი ცხოვრობდა. ხანძრის შედეგად ორი პირი მსუბუქად დაშავდა, მათი ჰოსპიტალიზაცია საჭირო არ გამხდარა.