თუ დავინახავთ, რომ გამოძიებაზე კითხვები იქნება, რა თქმა უნდა, გარდაუვალი იქნება კომისიის შექმნა, მაგრამ ახლა, თუნდაც, მცირე ხნით, გამოძიებას უნდა ვაცადოთ,- ამის შესახებ ჟურნალისტებთან პარლამენტის ვიცე-სპიკერმა დავით სერგეენკომ განაცხადა.

როგორც მან აღნიშნა, ძალადობაზე ყველამ პასუხი უნდა აგოს.

„დროებითი საგამოძიებო კომისიის შექმნა მარტივი პროცედურით ხდება, თუ სამართალდამცავების მიერ გამოძიებული შედეგები არგუმენტირებულად არ იქნება მისაღები, ასეთ შემთხვევაში, იქმნება კომისია. ახლა მიმდინარეობს პროცესი, გუშინდელი მდგომარეობით 27 ადამიანი იყო პატიმრობაში და 100-მდე ადამიანს წაყენებული ჰქონდა ადმინისტრაციული პასუხისმგებლობა. ამ ძალადობაზე ყველამ პასუხი უნდა აგოს ადეკვატურად და გარდაუვლად“, - განაცხადა სერგეენკომ.