დიდი მუშაობა მიმდინარეობს ჰოსპიტალური სექტორის მობილიზებაზე, დაემატა პედიატრიული ადგილებიც, - ამის შესახებ ჯანდაცვის მინისტრის მოადგილემ, თამარ გაბუნიამ ჟურნალისტებთან ქვეყანაში არსებულ ეპიდვითარებაზე საუბრისას განაცხადა.
როგორც თამარ გაბუნიამ აღნიშნა, ეპიდემიოლოგიური სურათი ძალიან საყურადღებოა.
„დიდი მუშაობა მიმდინარეობს ჰოსპიტალური სექტორის მობილიზებაზე. რთულია დიდი ნაკადების მართვა, თუმცა, მაქსიმალურად მობილიზებულია ჰოსპიტლებიც და გადაუდებელი დახმარების სამსახურიც იმისთვის, რომ პაციენტის ჰოსპიტალიზაციის შემთხვევაში დაყოვნება მინიმალური იყოს. პედიატრიული ადგილებიც დაემატა და კიდევ დაემატება, კოვიდსასტუმროების ადგილებიც მოიმატებს.
6 ათასს აღემატება ჰოსპიტალურ სექტორში ადგილები, დაახლოებით 1000-მდე საწოლია კოვიდსასტუმროებში, რომელიც ბოლო 2-3 დღის განმავლობაში დაემატა. აქტიურად მიმდინარეობს სასტუმროების მობილიზება“, - აღნიშნავს გაბუნია.