გიორგი გახარია თბილისის მერობის კანდიდატზე - მესმის, რომ სენსაციები ძალიან გიყვართ ჟურნალისტებს, მაგრამ არანაირ სახელსა და გვარს არ დავასახელებ

მესმის, რომ სენსაციები ძალიან გიყვართ ჟურნალისტებს, მაგრამ არანაირ სახელსა და გვარს არ დავასახელებ, - ამის შესახებ პარტია „საქართველოსთვის“ თავმჯდომარემ, გიორგი გახარიამ ჟურნალისტებს განუცხადა, როდესაც უპასუხა დასმულ შეკითხვას თბილსის მერობის კანდიდატურასთან დაკავშირებით.

გახარია განმარტავს, რომ პარტია „საქართველოსთვის“ არანაირ ალიანსსა და კოალიციაში შესვლას არ აპირებს.

„როდესაც თბილისის მერზე ან მერობის კანდიდატზე ვსაუბრობთ, ეს არ არის მხოლოდ მუნიციპალური არჩევნები. რეგიონალური არჩევნების ჭრილშიც, რა თქმა უნდა, თბილისის მერის არჩევნებს ძალიან დიდი მნიშვნელობა აქვს, ამიტომ, ჩვენი კანდიდატი გვეყოლება. არანაირ ალიანსებში და კოალიციებში შესვლას არ ვაპირებთ. ჩვენ ვართ ახალი დაფუძნებული პარტია, ჩვენთვის ახლა, პარალელურად მიმდინარეობს, როგორც პარტიული სტრუქტურების შექმნა, ისე საარჩევნო კამპანიაში მონაწილეობა. ამიტომ, ჩვენ მაქსიმალურად, თითქმის ბოლო დღემდე გამოვიყენებთ დროის რესურსს იმისათვის, რომ ჩვენი კანდიდატი იყოს ღირსეული, რომელიც ღირსეულ კონკურენციას გაუწევს ღირსეულ კანდიდატებს“, - აცხადებს გახარია.

კითხვაზე, იქნება თუ არა თვითონ თბილისის მერობის კანდიდატი, ან არჩილ არველაძე, გახარია განმარტავს, რომ სახელსა და გვარს არ დაასახელებს.

„მე მესმის, რომ სენსაციები ძალიან გიყვართ ჟურნალისტებს, მაგრამ არანაირ სახელსა და გვარს არ დავასახელებ. ამ ქვეყანაში ყველაფერია შესაძლებელი იმ მიზნის მისაღწევად, რომელსაც ჰქვია ჩვენი ქვეყნის წარმატებული მომავალი, იმ მიზნის მისაღწევად, რომ როგორმე თავი დავაღწიოთ ამ მოჯადოებულ წრეს. მე არ მომწონს და დარწმუნებული ვარ, რომ ჩვენი მოქალაქეების დიდ ნაწილს, უმრავლესობას არ მოსწონს ის ქაოსი, რაც დღეს ხდება - ლანძღვა, გინება, ცემა - ტყეპა. მე ყოველთვის ვამბობდი, რომ ქართული პოლიტიკა სამწუხაროდ, შინაარსისგან დაიცალა. ახლა, უკვე მოქალაქის ინტერესებისგანაც დაიცალა. ამიტომ, ჩვენ ქართულ პოლიტიკაში ჯერ საქართველოს მოქალაქე ცენტრში უნდა დავაბრუნოთ და შემდეგ შინაარსიც უნდა დავუბრუნოთ“, - აცხადებს გახარია.

ამასთან, გიორგი გახარიამ დასმული კითხვის საპასუხოდ განმარტა, რომ პარტია „საქართველოსთვის“ მერობის კანდიდატურას სხვის სასარგებლოდ არ მოხსნის, თუკი ასეთი საკითხი დადგა დღის წესრიგში.

„არა, არ ვუშვებ ასეთ ალბათობას. პარტია „საქართველოსთვის“ ეყოლება მერობის თავისი კანდიდატურა, ღირსეული, რომელიც ბოლომდე იბრძოლებს წარმატებული და ჩვენი ახალგაზრდების მომავლისთვის და არა ისეთ რეჟიმში, როგორც ახლა ხდება, ლანძღვა-გინებით და ერთმანეთზე ან ბოროტების დაბრალების, ან კიდევ რაღაცა“, - აცხადებს გახარია.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
მამუკა გამყრელიძე - პუტინისთვის საბედისწერო აღმოჩნდა შანხაის  სამიტი, მან სამარყანდში დაინახა, რომ  მარტო დარჩა, ამიტომაც შეცვალა ომის მიზანი
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა
ქართული ციფრული ბანკების გლობალური აღიარება
ვოლტი ზუგდიდშია