ბადრი ჯაფარიძის შეფასებით, 5 ივლისის მოვლენების გამოძიებასთან დაკავშირებით ხელისუფლების მხრიდან „ძალიან საეჭვო პასიურობას აქვს ადგილი“
ფრაქცია „ლელო-პარტნიორობა საქართველოსთვის" თავმჯდომარის, ბადრი ჯაფარიძის შეფასებით, 5 ივლისის მოვლენების გამოძიებასთან დაკავშირებით ხელისუფლების მხრიდან ძალიან საეჭვო პასიურობას აქვს ადგილი.
როგორც ჯაფარიძემ ჟურნალისტებს განუცხადა, ხელისუფლება მოძალადეების სრული წრის დადგენას და გამოძიების პროცესის სწრაფად წინ წაწევას არ ცდილობს.
„ეს ძალიან საეჭვოდ იწელება. საზოგადოების მხრიდან უნდა გაგრძელედეს მუდმივი წნეხი, კრიტიკა, რათა სასჯელის გარეშე არც ერთი მოძალადე არ დარჩეს", - აღნიშნა ბადრი ჯაფარიძემ.
