გიორგი მარგველაშვილი - საქართველო იქნება ქართველების ხელით გაკეთებული რუსული გუბერნია, კონკრეტული პერსონები ატრიალებენ ქვეყნის საჭეს და ჩრდილოეთით მიაქანებენ - მარტივია სახელობითი სანქციები

საქართველო იქნება ქართველების ხელით გაკეთებული რუსული გუბერნია - კონკრეტული პერსონები ატრიალებენ ახლა ქვეყნის საჭეს და მიაქანებენ ჩრდილოეთით, - ამის შესახებ საქართველოს ყოფილმა პრეზიდენტმა, გიორგი მარგველაშვილმა „პალიტრანიუსის“ გადაცემა „360 გრადუსში“ განაცხადა.

როგორც მარგველაშვილმა აღნიშნა, ამ ბრძოლაში ის პოლიტიკურ ასპარეზზე იქნება.

„ბუნებრივია, მე ყოველთვის ვაფიქსირებ ჩემს პოზიციას და აქტიურ კონსულტაციებში ვარ პოლიტიკოსებთან. ვერ ვიტყვი, რომ ეს ყოველთვის წარმატებული კონსულტაციებია, მაგრამ მე კონსულტაციებში ვარ და ღია ვარ ხოლმე. ახლა ბრძოლაა, როცა ჩვენი ქვეყნის კურსს ცვლიან და გუბერნიად უნდათ გამოაცხადონ. რომელიმეს თუ ჰგონია, რომ ამ გუბერნიას რუს „ნამესტნიკს“ ვარანცოვს დაუნიშნავენ, როგორც მაშინ იყო, ეს ძალიან გეშლებათ. ამას ქართველებს გააკეთებინებენ, ქართველების ხელით გაკეთებული რუსული გუბერნია იქნება. არ გეგონოთ, რომ აქ ვარანცოვი ჩამოვა და ოპერის თეატრს და გოლოვინის „პროსპექტს“ ააშენებს. ბუნებრივია, როდესაც ასეთი დრამატული თავხედობა განიზრახა რაღაც ჯგუფმა, რომ უზურპაცია მოახდინოს და რუსეთის ზურგგამაგრებულმა წაიყვანოს ეს ქვეყანა, რა თქმა უნდა, ამ ბრძოლაში ვიქნები. ძალიან დიდი იმედი მაქვს, რომ ამ ბრძოლაში ქართული ოპოზიციის მეშვეობით ბევრი მოქალაქე ჩაერთვება. ასევე ძალიან დიდი იმედი მაქვს, რომ ჩვენი დასავლელი პარტნიორებიც რაღაც მომენტში გაიაზრებენ იმ დიდ ვალდებულებას, რაც თავისი წინამორბედების მიმართ აქვთ და მიიღებენ ადეკვატურ ზომებს. მარტივია - სახელობითი სანქციები, მათთვის, ვისაც მიჰყავთ ეს ქვეყანა რუსეთისკენ! კონკრეტული პერსონები ატრიალებენ ახლა ქვეყნის საჭეს და მიაქანებენ ჩრდილოეთით“, - განაცხადა მარგველაშვილმა.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა