თეონა აქუბარდია - კვლევითაც დადასტურდა, რომ 43%-ს „ქართული ოცნება“ ვერანაირად ვერ აიღებს და რიგგარეშე არჩევნები არის გარდაუვალი

აღნიშნული კვლევით კიდევ ერთხელ დადასტურდა, რომ 43%-ს „ქართული ოცნება“ ვერანაირად ვერ აიღებს და რიგგარეშე არჩევნები არის გარდაუვალი, - ამის შესახებ „სტრატეგია აღმაშენებლის“ წევრმა თეონა აქუბარდიამ IRI-ის ახალი კვლევის შედეგებზე საუბრისას განაცხადა.

მისივე თქმით, კვლევამ ასევე აჩვენა, რომ საზოგადოება სიახლეებს ითხოვს, სწორედ ამიტომ წინასაარჩევნო კამპანიის დროს „სტრატეგია აღმაშენებელი“ სიახლეზე იქნება ორიენტირებული.

„მნიშვნელოვანია, რომ საზოგადოებას სურს სიახლეები. ჩვენი საარჩევნო კამპანია იქნება სიახლეზე ორიენტირებული, საზოგადოების საჭიროებაზე ორიენტირებული. როდესაც ვხედავთ, რომ „ქართული ოცნება“ ცდილობს რადიკალიზაციას და პოლარიზაციას, ორპოლუსიანობის ნიშნით დაყოს საზოგადოება და განწყობები, მნიშვნელოვანია, რომ ჩვენ გავაკეთოთ ყველაფერი, რომ საზოგადოების ნდობა მოვიპოვოთ და სწორედ ის სიახლე შევთავაზოთ ამომრჩეველს, რომელიც სჭირდება რეალურად. შესაბამისად, აღნიშნული კვლევითაც კიდევ ერთხელ დადასტურდა ის, რომ 43%-ს „ქართული ოცნება“ ვერანაირად ვერ აიღებს და რიგგარეშე არჩევნები არის გარდაუვალი მას შემდეგ, რაც თვითმმართველობის არჩევნები ჩატარდება. „ქართული ოცნება“ მიიღებს იმ შედეგს, რომელიც, მათ შორის, ამ კვლევიდანაც ძალიან კარგად ჩანს“, - განაცხადა თეონა აქუბარდიამ.

თეონა აქუბარდიას განცხადებით, არჩევნებისადმი ნდობა მოსახლეობაში შემცირებულია.

„მნიშვნელოვანია ნდობა არჩევნებისადმი, რომელიც „ქართულმა ოცნებამ“ საპარლამენტო არჩევნებზე აბსოლუტურად გაფლანგა და სწორედ ამას ემსახურება შარლ მიშელის შეთანხმებაც, რომელიც „ქართულმა ოცნებამ“ ცალმხრივად გააუქმა. მთელი ეს პროცესები, რომელიც მიმდინარეობს დღეს, მათ შორის, ცესკოს თავმჯდომარის ექვსთვიანი ვადით არჩევა და მათ შორის, ძალადობრივი ქმედებები და ის წაქეზება, რომელიც 5 ივლისიდან მოყოლებული ვხედავთ, არ ტოვებს დიდი მოლოდინს იმისა, რომ არჩევნები იქნება თავისუფალი და სამართლიანი მიუხედავად შარლ მიშელის შეთანხმებისა. ერთი მხრივ, ძალიან ბევრია დამოკიდებული „ქართულ ოცნებაზე“, რომლის იმედიც უმეტესობას არ აქვს და მეორე მხრივ, ძალიან ბევრია დამოკიდებული პოლიტიკურ პარტიებზე. „სტრატეგია აღმაშენებელი“, გააკეთებს ყველაფერს, რომ ის საჭიროებები, რომელიც არის ხალხის, ამაზე გვქონდეს აქცენტები საარჩევნო კამპანიაში. ის სიახლეები, რომელიც სჭირდება ხალხს, ამ სიახლეებს ჩვენ შევთავაზებთ“, - განაცხადა თეონა აქუბარდიამ.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 27.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი