„თალიბანი“ ირწმუნება, რომ ქაბულის აეროპორტთან თავდასხმა ამერიკელების მიერ კონტროლირებულ ზონაში მოხდა. „თალიბანის“ სპიკერმა ზაბიჰულა მუჯაჰიდმა მომხდარი დაგმო.

„ჩვენი სახელმწიფო მკაცრად გმობს ქაბულის აეროპორტში სამოქალაქო პირებისკენ მიმართულ აფეთქებას. ეს მოხდა იმ ზონაში, რომლის უსაფრთხოებაზეც ამერიკული სამხედრო ძალები არიან პასუხისმგებელნი“, - განაცხადა ზაბიჰულა მუჯაჰიდმა.

„თალიბანის“ კიდევ ერთი წარმომადგენელი აცხადებს, რომ ისინი საკუთარი ხალხის უსაფრთხოებასა და დაცვაზე ზრუნავენ.