მიხეილ სარჯველაძე - იმ ფონზე, როცა ჩვენი გამოთვლებით, დაახლოებით 50%-იანი მხარდაჭერა გვაქვს, მესამე ძალის კარტის გათამაშება მაინც და მაინც პერსპექტიული არ მგონია

იმ ფონზე, როცა ჩვენი გამოთვლებით, დაახლოებით 50%- იანი მხარდაჭერა გვაქვს, მესამე ძალის კარტის გათამაშება მაინც და მაინც პერსპექტიული არ მგონია, - ამის შესახებ ჟურნალისტებთან ადამიანის უფლებათა დაცვის კომიტეტის თავმჯდომარე მიხეილ სარჯველაძემ განაცხადა, რითაც გამოეხმაურა პოლიტიკური გაერთიანება "მესამე ძალის" შექმნას, სადაც "სტრატეგია აღმაშენებელთან" ერთად "ნაციონალური მოძრაობის" ყოფილი თავმჯდომარე გრიგოლ ვაშაძეც იქნება.

მისი თქმით, მათი მიზანი იმ ადამიანების ხმებზე ნადირობაა, რომლებსაც არც ოპოზიციაში არსებული პარტიები მოსწონთ და ხელისუფლების მიმართაც უარყოფითი დამოკიდებულება აქვთ, თუმცა, სარჯველაძე მიიჩნევს, რომ ამ გაერთიანებას პერსპექტივა არ ექნება.

„არასწორი პოლიტიკა აქვთ არჩეული, ცდილობენ, გამორიცხონ პოლიტიკიდან მმართველი ხელისუფლება და ოპოზიციური პარტიების ცალკეული ნაწილი, ეს არასწორია იმდენად, რამდენადაც არ არის ახნილი და დასაბუთებული სახელისუფლებო ძალასთან მიმართებით ეს ლოგიკა. თუმცა, ჩემთვის გასაგებია, რასაც ცდილობენ - არის საზოგადოების ნაწილი, რომელიც არ გამოირჩევა მხარდაჭერით არც ოპოზიციაში მანამდე არსებული პარტიების მიმართ და შეიძლება ხელისუფლების მიმართაც გარკვეული უარყოფითი დამოკიდებულება ჰქონდეს, ასეთ ხმებზე ნადირობის მცდელობას წარმოადგენს ამ პოლიტიკური ძალისგან გაცხადებული და დეკლარირებული მიმართულება. თუმცა, მე არ მგონია, სადღეისოდ ეს იმდენად აქტუალური იყოს, რომ რაიმე მნიშვნელოვან გაერთიანებაზე ვსაუბრობდეთ. იმ ფონზე, როცა ჩვენი გამოთვლებით დაახლოებით 50 პროცენტიანი მხარდაჭერა გვაქვს, ეს ნიშნავს რომ მესამე ძალის, ამ კარტის გათამაშება მაინც და მაინც პერსპექტიული არ მგონია. სამომავლოდ, ეს შანსები როგორი იქნება, არ ვიცი, მაგრამ ახლა რომ ეს შანსი არ არსებობს, ცხადია,"- განაცხადა სარჯველაძემ.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს