ბადრი ჯაფარიძე - გიორგი გახარია არის „ქართული ოცნების“ თვალსაჩინო წარმომადგენელი

გიორგი გახარია არის „ქართული ოცნების“ თვალსაჩინო წარმომადგენელი, ის იყო პრემიერი და პასუხისმგებელია ყველა დანაშაულებრივ გადაწყვეტილებაზე, რომელიც მიღებული აქვს „ქართულ ოცნებას“, - ამის შესახებ ჟურნალისტებთან „ლელოს“ ლიდერმა ბადრი ჯაფარიძემ განაცხადა, რითაც გამოეხმაურა გიორგი გახარიას გადაწყვეტილებას კენჭი იყაროს თბილისის მერად.

რაც შეეხება „ქართული ოცნების“ ლიდერების და გახარიას ურთიერთბრალდებებს, როგორც ჯაფარიძე ამბობს, ტყუილი მათი სავიზიტო ბარათია და შეუძლებელია იმის გარჩევა, ამჯერად ვინ იტყუება.

გიორგი გახარია არის „ქართული ოცნების“ თვალსაჩინო წარმომადგენელი, ის იყო პრემიერ- მინისტრი "ქართული ოცნების", შესაბამისად, პასუხისმგებელია ყველა დანაშაულებრივ გადაწყვეტილებაზე, რომელიც მიღებული აქვს "ქართულ ოცნებას" იმ პერიოდში, როცა ის "ოცნების" წარჩინებული თანამდებობის პირი იყო. საერთოდ, "ქართული ოცნების" თანამდებობის პირები გამოირჩევიან ტყუილებით და ტყუილები არის მათთვის სავიზიტო ბარათი, შესაბამისად, ქართული ოცნების ყოფილი ლიდერი დღევანდელს ბრალს სდებს თუ პირიქით, არ აქვს მნიშვნელობა, ჩემთვის ორივე ერთი წყაროდან არიან წარმოშობილი. რომელი ამბობს ტყუილს, ამის გარჩევა შეუძლებელია. "ქართული ოცნების" როგორც არსებული, ისე ყოფილი ლიდერებისთვის ტყუილი არის ცხოვრების წესი, შესაბამისად, მათი ურთიერთბრალდებების შეფასება ჩემთვის საინტერესო არ არის. რაც შეეხება იმას, თუ რა შედეგს ველოდებით, ველოდებით, რომ „ქართული ოცნება“ დამარცხდება მწარედ, ოპოზიციური პარტიები კი მიიღებენ მძლავრ მხარდაჭერას ამომრჩევლის მხრიდან,“ - განაცხადა ჯაფარიძემ.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს