ნიკოლოზ სამხარაძე - ესტონეთის პარლამენტის სპიკერთან შეხვედრისას გამოვხატეთ სურვილი, რომ საქართველოს, უკრაინას და მოლდოვას ევროკავშირის მხრიდან მეტი ყურადღება მიექცეს

საქართველოს პარლამენტის თავმჯდომარე, კახა კუჭავა, რომელიც ვენაში, პარლამენტის სპიკერების მეხუთე მსოფლიო კონფერენციაში იღებს მონაწილეობას, კოლეგებთან შეხვედრებს მართავს. ამის შესახებ ინფორმაციას საქართველოს პარლამენტი ავრცელებს.

მათივე ცნობით, ესტონეთის პარლამენტის თავმჯდომარესთან, იური რატასთან გამართულ შეხვედრაზე ორმხრივი ურთიერთობები მიმოიხილეს და თანამშრომლობის კიდევ უფრო გაღრმავების პერსპექტივებზე იმსჯელეს.

„ვისაუბრეთ ქართულ-ესტონური ურთიერთობების განვითარებაზე/ მიუხედავად იმისა, რომ ჩვენ გვაქვს კარგი პოლიტიკური თანამშრომლობა, არის, მაგალითად, ეკონომიკური საკითხები, თუნდაც, ვაჭრობა, რომელიც შეიძლება კიდევ უფრო მეტად განვითარდეს ჩვენს ორ ქვეყანას შორის. ვისაუბრეთ, ასევე, საპარლამენტო თანამშრომლობის გაღრმავებაზე როგორც მეგობრობის ჯგუფებს შორის, ასევე, საგარეო ურთიერთობათა კომიტეტებს შორის. ესტონეთის პარლამენტის სპიკერი განსაკუთრებით დაინტერესდა ოკუპირებულ ტერიტორიებზე არსებული ვითარებით და იმით, თუ რა ნაბიჯები შეიძლება გადადგას საერთაშორისო საზოგადოებამ, მათ შორის, ესტონეთმა იმისთვის, რომ ეს სიტუაცია უფრო შემსუბუქდეს ოკუპირებულ ტერიტორიებზე. ასევე, ვისაუბრეთ ჩვენი ნატოში ინტეგრაციის გეგმებზე და რა თქმა უნდა, აღმოსავლეთ პარტნიორობის მომავალზე. ჩვენ გამოვხატეთ ჩვენი სურვილი, რომ ასოცირებული ტრიოს ქვეყნებს - საქართველოს, უკრაინას და მოლდოვას ევროკავშირის მხრიდან მიექცეს მეტი ყურადღება და იყოს მეტი ინსტრუმენტები იმისთვის, რომ ეს ქვეყნები უფრო მალე დაუახლოვდნენ ევროკავშირს და ასევე, ვისაუბრეთ წევრობის პერსპექტივის მინიჭებაზე საქართველოსთვის. ესტონეთი ამ იდეას მხარს უჭერს, თუმცა, საჭიროა, რომ ევროკავშირის დონეზეც მივაღწიოთ იმას, რომ საქართველოს, უკრაინას და მოლდოვას ევროკავშირის წევრობის პერსპექტივა. ჩვენ მივაწოდეთ მოკლედ ინფორმაცია იმასთან დაკავშირებით, რომ საქართველოში ტარდება ადგილობრივი თვითმმართველობის არჩევნები და იმასთან დაკავშირებით, რომ ეუთო/ოდირის მისია იქნება, რომელიც დააკვირდება ამ არჩევნებს“,- განაცხადა შეხვედრის დასრულების შემდეგ საგარეო ურთიერთობათა კომიტეტის თავმჯდომარემ, ნიკოლოზ სამხარაძემ.

პარლამენტის ცნობით, დღესვე, საქართველოს პარლამენტის თავმჯდომარემ შეხვედრები გამართა სომხეთის პარლამენტის თავმჯდომარესთან, ალენ სიმონიანთან და კამერუნის პარლამენტის თავმჯდომარესთან, მარსელ ნიფენჯისთან. შეხვედრებზე ორმხრივი ურთიერთობების გაღრმავების შესახებ ისაუბრეს.

ამასთან, ყურადღება გამახვილდა საპარლამენტთაშორისო კავშირების გააქტიურებაზე.

საუბარი შეეხო საქართველოს ოკუპირებულ რეგიონებში არსებულ ვითარებას, საქართველოს ევროატლანტიკურ ინტეგრაციას და ამ პროცესში, პარტნიორი ქვეყნების მხარდაჭერის მნიშვნელობას. კახა კუჭავამ იური რატასს საქართველოში მოახლოებული ადგილობრივი თვითმმართველობის არჩევნებზეც მიაწოდა ინფორმაცია.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს