ნიდერლანდების მედია "DIPLOMAT magazine" სტატიას სახელწოდებით: „საქართველოს როლი ავღანეთიდან ევაკუაციაში" აქვეყნებს. სტატიაში ქართული მხარის ნატო-ს მისიებში აქტიური მონაწილეობაა ხაზგასმული.
„დღეს, როდესაც ავღანეთში მომხდარმა ტრაგიკულმა მოვლენებმა მასშტაბური ჰუმანიტარული კრიზისის საფრთხის წინაშე დაგვაყენა, საქართველო კვლავ აქტიურად არის ჩართული ჰუმანიტარული და ევაკუაციის პროცესების მართვაში“, - ნათქვამია სტატიაში.
ნიდერლანდების საელჩო საქართველოში, საქართველოს მთავრობას და აეროპორტის ხელმძღვანელობას შესანიშნავი თანამშრომლობისთვის მადლობას უხდის.
ინფორმაციას საგარეო საქმეთა სამინისტრო ავრცელებს.