დღეს პრემიერმა საქართველოს მოქალაქეებს დასცინა, როდესაც განაცხადა, რომ ამ ქვეყანაში ადამიანების სიცოცხლე არის დაცული , - ამის შესახებ „ლელოს“ წევრმა, ლევან სამუშიამ ბრიფინგზე განაცხადა, რითაც პრემიერის დღევანდელ განცხადებას გამოეხმაურა, რომლის თანახმადაც, ქვეყანაში ადამიანების სიცოცხლე დაცულია.
სამუშიამ აღნიშნა, რომ ქვეყანაში უმძიმესი კრიმინალური ფონია.
„დღეს პრემიერმა საქართველოს მოქალაქეებს დასცინა, როდესაც განაცხადა, რომ ამ ქვეყანაში ადამიანების სიცოცხლე არის დაცული, ეს ის ადამიანია, რომელმაც მოაწყო 5 ივნისი, რომელმაც მთავრობის ტრიბუნიდან ხალხის დარბევის ბრძანება გასცა, რასაც ადამიანის სიცოცხლე შეეწირა. ქვეყანაში უმძიმესი კრიმინალური ფონია და ნაცვლად იმისა, რომ ბოდიშს იხდიდეს ხალხს ატყუებს და გვეუბნება, რომ ქვეყანაში ხალხი არის დაცული. ეს არის დაცინვა და ამ დაცინვას ჩვენი მოქალაქეები 2 ოქტომბერს გასცემენ შესაბამის პასუხს", - აღნიშნა სამუშიამ.