გიორგი კალანდარიშვილი - ჩემს დღის წესრიგში პირველ საკითხად დგას არჩევნების ძალიან მაღალი სტანდარტებით ჩატარება - ეჭვებს და კითხვის ნიშნებს გავცემთ პასუხს გაკეთებული საქმეებით

ეჭვებს, კითხვის ნიშნებს მე და ადმინისტრაცია გავცემთ პასუხს, ჩვენს მიერ გაკეთებული საქმეებით და იმ შედეგებით, რომელიც 2 ოქტომბრის შემდგომ დაიდება, - ამის შესახებ ცენტრალური საარჩევნო კომისიის თავმჯდომარემ, გიორგი კალანდარიშვილმა "პალიტრანიუსის" გადაცემაში " თავისუფალი სტუდია" განაცხადა.

როგორც კალანდარიშვილმა აღნიშნა, მისი მთავარი ამოცანაა, ადგილობრივი თვითმმართველობის არჩევნები მაღალი სტანდარტების შესაბამისად ჩატარდეს.

ცესკოს თავმჯდომარის განცხადებით, მის მიმართ არსებულ კითხვებს პასუხი 2 ოქტომბრის შედეგებით გაეცემა.

"ჩემს დღის წესრიგში პირველ საკითხად დგას არჩევნების ძალიან მაღალი სტანდარტების შესაბამისად ჩატარება და ამის ამბიცია ნამდვილად მაქვს. ამის მყარ საფუძველს იძლევა ის საარჩევნო რეფორმა, რომელიც მიშელის დოკუმენტის შესაბამისად განხორციელდა. ამის მყარ საფუძველს მაძლევს ის მნიშვნელოვანი აქტივობები, საქმიანობა, რომელიც 3 აგვისტოდან დღემდე განხორციელდა. საარჩევნო ადმინიტრაციის მხრიდან არსებობს სრული მზაობა და წინაპირობა იმის, რომ ეს არჩევნები, როგორც უსაფრთხოების თვალსაზრისით, ასევე თავისუფალ და სამართლიან გარემოში ჩატარდეს.

ამ ეჭვებს პასუხს გავცემთ ჩვენს მიერ გაკეთებული საქმიანობით, დღემდე არ არსებობს კითხვის ნიშნები ჩემს საქმიანობასთან მიმართებაში, ჩემს გარკვეულ აფილაციებთან ან რაიმე კავშირებთან რომელიმე პოლიტიკურ გაერთიანებასთან. მოვედი მაღალი დამოუკიდებლობის და მიუკერძოებლობის ხარისხით ადმინისტრაციაში ამ პოზიციაზე. ამის კარგი დასტურია ის განვლილი გზა, რომელიც სხვადასხვა ხელისუფლების პერიოდში გავაკეთე. დანარჩენს, ამ ეჭვებს, კითხვის ნიშნებს მე და ადმინისტრაცია გავცემთ პასუხს ჩვენ მიერ გაკეთებული საქმეებით და იმ შედეგებით, რომელიც 2 ოქტომბრის შემდგომ დაიდება, ვგულისხმობ ადმინისტრირების შედეგებს და არა პოლიტიკურს, რომელსაც ამომრჩეველი დადებს", - განაცხადა გიორგი კალანდარიშვილმა.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო