43% წითელი ხაზი არ არის! - ამის ან კონსტიტუციური, ნებისმიერი სხვა სამართლებრივი ან პოლიტიკური საფუძველი მითხარით, - აღნიშნული განცხადება დღეს "ქართული ოცნების" დეპუტატმა მიხეილ სარჯველაძემ გააკეთა.

სარჯველაძე ადგილობრივ თვითმმართველობის არჩევნებთან მიმართებით 43%-იან დათქმას ხელისუფლების მიტაცებად აფასებს.

"როგორ ან რატომ შეიძლება ეს არჩევნები რეფერენდუმის ფუნქციით იყოს აღჭურვილი?! პირდაპირ გეუბნებით, ეს არის ხელისუფლების მიტაცება. 43% საშიშროებას კი არ ქმნის, პოლარიზაციის ხარისხის გაზრდისა და პროცესების არანორმალურ კალაპოტში წარმართვისთვის გამოიყენება. ამიტომ არის ეს პრობლემური და არასწორი. 43%-ის მიღმა სალაპარაკო თემა არ დარჩათ, რათა ყურადღება მიიქციონ", - განაცხადა მიხეილ სარჯველაძემ.