კახა კალაძემ  ახალი ვებგვერდი წარადგინა

„ქართული ოცნების“ თბილისის მერობის კანდიდატმა, კახა კალაძე ახალი ვებგვერდი- Tbilisistvis.ge წარადგინა.

კახა კალაძის თქმით, საიტზე განთავსებულია დედაქალაქში ბოლო ოთხი წლის განმავლობაში განხორციელებული 4 300-ზე მეტი და 380-მდე მიმდინარე პროექტი.

„აღნიშნული საიტის შექმნის მიზანია მოსახლეობის ინფორმირება ყველა იმ პროექტზე, რომელიც თბილისში ბოლო 4 წლის მანძილზე განხორციელდა ან განხორციელების პროცესშია. ვებგვერდი შესაძლებლობას გვაძლევს, ვიხილოთ ინფორმაცია სხვადასხვა მიმართულებით, კონკრეტული უბნების მიხედვით,“-აღნიშნა კახა კალაძემ.

ამასთან, თბილისის მერობის კანდიდატმა ხაზი გაუსვა ამომრჩეველთან მჭიდრო კომუნიკაციის მნიშვნელობას, რისთვისაც, მისივე თქმით, სხვადასხვა სოციალური პლატფორმა აითვისა.

„მოგეხსენებათ, ჩვენ ციფრული კომუნიკაციების ეპოქაში ვცხოვრობთ. ჩემთვის მნიშვნელოვანი ადგილი უჭირავს ადამიანებთან ურთიერთობას, რაშიც სოციალური ქსელი ძალიან მეხმარება. ამ გზით თბილისელებისგან ვისმენ მადლიერებას, კრიტიკას და ქალაქის განვითარების იდეებსაც.

მასზე დაყრდნობით დავგეგმეთ ჩემი წინასაარჩევნო კამპანიაც. იმისათვის, რომ ხმა მიმეწვდინა ყველა თაობისა და განსხვავებული ინტერესების მქონე ამომრჩევლამდე, წავედით გარკევულ რისკებზეც და სიახლეებზეც, რომელსაც მე არასდროს ვუშინდები. მგონია, ეს კამპანია განსხვავებული, კრეატიული, პოზიტიური და საქმეზე ორიენტირებული გამოგვივიდა, რასაც სამწუხაროდ ვერ ვიტყვით სხვა კანდიდატებსა და ოპოზიციის წარმომადგენლებზე. ნაცვლად იმისა, რომ მათაც გამოეყენებინათ ციფრული კომუნიკაციის სიკეთეები, ისინი იყენებდნენ ფეიკ ნიუსებისა და ზიზღის კამპანიას“, - განაცხადა კახა კალაძემ.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს