საქართველოში დიაგნოსტიკური ცენტრი გაიხსნება, სადაც ქართველი და გერმანელი სპეციალისტები ერთმანეთს თავიანთ გამოცდილებას გაუზიარებენ

ჯანდაცვის მინისტრის, ეკატერინე ტიკარაძის განცხადებით, საქართველოში დიაგნოსტიკური ცენტრი გაიხსნება, სადაც ქართველი და გერმანელი სპეციალისტები ერთმანეთს თავიანთ გამოცდილებას გაუზიარებენ. როგორც მან ჯანდაცვის სამინისტროში გამართული შეხვედრის შემდეგ ჟურნალისტებს განუცხადა, პაციენტებს გერმანიაში გამგზავრების გარეშე ექნებათ შესაძლებლობა, რომ ჩაიტარონ მაღალკვალიფიციური დიაგნოსტიკა და მიიღონ კონსულტაცია.

„დღეს ჩვენ როგორც საქართველოს მოსახლეობისთვის, ასევე საქართველოს მედიცინისთვის გვაქვს ძალიან საინტერესო და მნიშვნელოვანი სიახლე. ეს სიახლე შეეხება „დოიჩე დიაგნოსტიკურ ცენტრ რუმის“ გახსნას საქართველოში, რომელსაც სათავეში უდგას და რომლის ინიციატორი არის ქართველი ემიგრანტი, პროფესორი გიორგი გრიგოლია. ეს ნამდვილად არის ძალიან სასიკეთო პროექტი, რომელიც საქართველოს მედიცინას, ქართველ ექიმებს აიყვანს გერმანულ ხარისხზე და ჩვენი პაციენტებისთვის გახდება იმის შესაძლებლობა, რომ შორს გამგზავრების გარეშე მიიღონ ძალიან მაღალკვალიფიციური დიაგნოსტიკა, ასევე მიიღონ სხვადასხვა დარგის ექიმების კონსულტაციები. არის მრავლობითი, სხვადასხვა სახის ინიციატივა, რომელსაც სახელმწიფო რა თქმა უნდა, მიესალმება. აქ არის ძალიან მნიშვნელოვანი ის, რომ გერმანული დიაგნოსტიკის ცენტრი ბუდეს დაიდებს საქართველოს სამედიცინო ჰოლდინგში, რომელიც ყოველივე ამის ბაზა იქნება და სახელმწიფო იძლევა იმის გარანტიას, რომ მათ ექნებათ ყველანაირი ხელშეწყობა იმისთვის, რომ როგორც კერძო სექტორს, ასევე ჩვენს ექიმებს და პაციენტებს ეს საყოველთაო სიკეთე მაქსიმალურად ხელმისაწვდომი ჰქონდეს. ჩვენ ამ ინიციატივას მივესალმებით",-განაცხადა ტიკარაძემ.

პროფესორ გიორგი გრიგოლიას განცხადებით, აღნიშნული დიაგნოსტიკური ცენტრის მიზანია, დროის უმოკლეს პერიოდში საქართველოს მოსახლეობას ყველა ის სერვისი შესთავაზოს, რომლის გამოც ისინი უცხოეთის კლინიკებს მიმართავდნენ. მისი თქმით, თუ როდის დაიწყებს ფუნქციონირებას აღნიშნული ცენტრი, ეს ოქტომბრის მეორე ნახევარში გადაწყდება.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 21.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს