ქართველმა ამომრჩეველმა დღეს მშვიდ გარემოში უნდა გააკეთოს თავისი არჩევანი და ყველა პოლიტიკურ პარტიას მოვუწოდებ რომ მათ ამის საშუალება მისცეს, - ამის შესახებ „ქართული ოცნების“ თავმჯდომარემ ირაკლი კობახიძემ თვითმმართველობის არჩევნებზე ხმის მიცემის შემდეგ განაცხადა. კობახიძის თქმით, პროვოკაციები მოსალოდნელია, მაგრამ „ქართული ოცნების“ მხარდამჭერები გაფრთხილებული არიან, რომ უხეში ფორმით არცერთ პროვოკაციას არ დაუპირისპირდნენ.

„რაც შეეხება დღევანდელ დღეს, პრინციპულად მნიშვნელოვანია, რომ დღევანდელმა დღემ ჩაიაროს მშვიდად ისეთ გარემოში, როგორც ქართველ ამომრჩეველს სჭირდება. ქართველმა ამომრჩეველმა დღეს მშვიდ გარემოში უნდა გააკეთოს თავისი არჩევანი და ყველა პოლიტიკურ პარტიას მოვუწოდებ, რომ ამის საშუალება მისცეს. პროვოკაციებს, რა თქმა უნდა, ველოდებით, თუმცა ყველა გვყავს გაფრთხილებული, რომ არავითარი ფორმით, უხეშად არ დაუპირისპირდნენ არცერთ პროვოკაციას. ჩვენ გვჭირდება მოთმინება და მშვიდი გარემო ამ არჩევნებისთვის“, - განაცხადა კობახიძემ.