წესი არის წესი და არ აქვს მნიშვნელობა რომელი თანამდებობის პირია, ეს წესი უნდა დაიცვას, - ამის შესახებ ცესკოს სპიკერმა ნათია იოსელიანმა ბრიფინგზე განაცხადა, რითაც გამოეხმაურა ჟურნალისტის კითხვას, რომლის თანახმადაც, პრემიერ-მინისტრმა ირაკლი ღარიბაშვილმა ხმის მიცემამდე უბანზე იდენტიფიკაციისთვის პირბადე არ მოიხსნა.

„ამომრჩეველი მიდის პირბადით უბანზე და მას ორჯერ იხსნის, ერთხელ როდესაც ნაკადის მომწესრიგებელთან მიდის და მეორედ - რეგისტრატორთან, როდესაც ფოტოსურათის შესაბამისობა უნდა დადგინდეს. პირბადეს ის იხსნის რამდენიმე წამით. მე არ მინახავს კადრები მოიხსნა თუ არა პრემიერ-მინისტრმა პირბადე. ძალიან სამწუხაროა. წესი არის ყველასთვის წესი. არ აქვს მნიშვნელობა რომელი თანამდებობის პირია. ყველა უნდა დაექვემდებაროს წესებს! ეს არის ჩვენი მოწოდება“, - განაცხადა იოსელიანმა.