ბათუმში „ნაცმოძრაობის“ მერობის კანდიდატი გიორგი კირთაძე - საკრებულოში უმრავლესობა ოპოზიციას აქვს და თავმჯდომარეც ოპოზიციონერი იქნება - ბათუმი „ოცნებამ“ წააგო

ბათუმში “ერთიანი ნაციონალური მოძრაობის” მერობის კანდიდატის, გიორგი კირთაძის განცხადებით, ბათუმში „ქართული ოცნება“ ბოლომდე დამარცხდა და ბათუმის საკრებულოს უმრავლესობას ოპოზიცია წარმოადგენს.

როგორც კირთაძემ ტელეკომპანია „პალიტრანიუსის“ გადაცემა „ნიუსრუმში“ განაცხადა, ბათუმის 35-კაციან საკრებულოში 19 მანდატი არის ოპოზიციის, ასევე საკრებულოს თავმჯდომარე ოპოზიციის წარმომადგენელი იქნება.

„43%-ზე მეტი მხარდაჭერა „ქართულ ოცნებას“ არანაირად არ აქვს საქართველოში, დანარჩენი პროცენტები არის დაშინებით, შანტაჟით და მოსყიდვით შევსებული. 100-ზე მეტი საჩივარი მხოლოდ ჩვენს მიერ იქნა შეტანილი საუბნო და საოლქო კომისიაში. ვითხოვთ გადათვლას შესაბამისი უბნების. დღეს ლოტოტრონით შერჩეული უბნების გადათვლა მიმდინარეობს ბათუმში. ფაქტია, რომ „ქართული ოცნება“ დამარცხდა ბოლომდე. არათუ მეორე ადგილზე გავიდა მათი კანდიდატი, არამედ საკრებულოში უკვე თამამად შეგვიძლია ვთქვათ, რომ უმრავლესობაში არის ოპოზიცია და ბათუმი „ოცნებამ“ წააგო. რწმენა, რომ ოპოზიციას არჩევნების გზით გამარჯვება შეგვიძლია, კიდევ უფრო მეტად არის განმტკიცებული და მეორე ტურებში უფრო მეტი უპირატესობით გავიმარჯვებთ.

უმრავლესობა ბათუმის საკრებულოში უკვე ნამდვილად არის ოპოზიციური. საკრებულოს თავმჯდომარე და სხვა თანამდებობის პირები ბათუმის საკრებულოში იქნებიან ოპოზიციის წარმომადგენლები. 19/16-ზეა თანაფარდობა 35-კაციან საკრებულოში, 19 არის ოპოზიციის მანდატი“, - განაცხადა კირთაძემ. ინფორმაციისთვის, ბათუმში მერის არჩევნების მეორე ტური იქნება. პირველ ტურში ყველაზე მეტი ხმა სწორედ გიორგი კირთაძემ მიიღო. მეორე ტურში კირთაძე „ქართული ოცნების“ კანდიდატ არჩილ ჩიქოვანს დაუპირისპირდება.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
პაატა დავითაია - ვინც საპარლამენტო არჩევნების წინ ფართო გაერთიანების მოდელს შესთავაზებს ამომრჩეველს, მოგებაც მის მხარეს იქნება - ვინც ამ სისტემით გავა არჩევნებზე, ის მინიმუმ გაყოფს ხელისუფლებას, მაქსიმუმ - მოიპოვებს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს