„იმედის“, გირგვლიანის, გელაშვილის საქმე - ამის გამოძიებას ვითხოვდით იმ პერიოდში ყველა, ამ საქმეებთან მიმართებით სააკაშვილს პოლიტიკურ პატიმრად არ ვთვლი, - ამის შესახებ "მოქალაქეების" დეპუტატმა, ვიცე-სპიკერმა ლევან იოსელიანმა ჟურნალისტებთან განაცხადა.
მისი თქმით, "ნაციონალური მოძრაობის" დღის წესრიგი სააკაშვილთან დაკავშირებით როგორიც არის, ლოგიკურია.
"სააკაშვილზე ბევრ კომენტარს არ გავაკეთებ. ზოგადად, არ მიყვარს იმ ადამიანებზე კომენტარის კეთება, ვინც ციხეშია. ერთ რამეს ვიტყვი - ლოგიკურია, რომ "ნაციონალური მოძრაობა" თავის დღის წესრიგით ცდილობს მის გათავისუფლებას. რაც შეეხება იმ საქმეებს, რაზეც არის გასამართლებული - იმედის საქმე, გირგვლიანის საქმე, გელაშვილის საქმე - ამის გამოძიებას ვითხოვდით იმ პერიოდში ყველა და მე არ ვთვლი, ამ საქმეებთან მიმართებაში სააკაშვილს პოლიტიკურ პატიმრად, სხვა საქმეებს არ ვიცნობ"- განაცხადა იოსელიანმა.