თამარ გაბუნია - აცრა არის სამედიცინო ინტერვენცია, სამედიცინო ინტერვენცია სავალდებულო ვერანაირი პირობით ვერ იქნება

აცრა არის სამედიცინო ინტერვენცია. სამედიცინო ინტერვენცია სავალდებულო ვერანაირი პირობით ვერ იქნება, თუმცა მოთხოვნები შეიძლება დაწესდეს ბიზნესგარემოში გარკვეული ეპიდუსაფრთხოების მიზნებიდან გამომდინარე, - ამის შესახებ ჯანდაცვის მინისტრის მოადგილემ, თამარ გაბუნიამ იმუნიზაციის საბჭოს სხდომის დასრულების შემდეგ განაცხადა.

როგორც გაბუნიამ განმარტა, საზოგადოებისთვის არჩევანის საშუალება კვლავ იქნება - გაიკეთებს აცრას, წარმოადგენს PCR ტესტის უარყოფით პასუხს გარკვეული პერიოდულობით, თუ კორონავირუსის გადატანის შესახებ დოკუმენტს.

„მინდა კარგად და გასაგებად ავხსნა, რას შეიძლება ნიშნავდეს გარკვეული მოთხოვნების დაყენება აცრის სავალდებულოდ ჩატარებასთან დაკავშირებით. ბიზნესგარემოში შეიძლება მოვითხოვოთ ვაქცინირებული პირის ყოფნა, ან პირის ყოფნა, რომელსაც გარკვეული პერიოდულობით ჩატარებული აქვს PCR ტესტი და ნამდვილად ვიცით, რომ ის არ არის ინფიცირებული, ასევე დამადასტურებელი დოკუმენტი, რომ პირს ნამდვილად გადატანილი აქვს კორონავირუსი. ეს სამი პირობაა და აქედან რომელიმეს არჩევა არის მნიშვნელოვანი. ის, რომ ჩვენ ბიზნესგარემოში ეს მოთხოვნები შეიძლება დავაწესოთ, რაც თავის თავში მოიცავს არჩევანის უფლებას. ის, რომ ადამიანს თავად აქვს არჩევანის საშუალება სამედიცინო ინტერვენციის შესახებ, ეს არის ცალსახა და ფუნდამენტური უფლება, ამაზე ვერც ვიდავებთ. მეორე მხარეა, რა მოთხოვნებს დავაყენებთ ეპიდუსაფრთხოებიდან გამომდინარე. კერძო სექტორი იქნება თუ სახელმწიფო უწყებებში გარკვეულ ეტაპზე დავაყენებთ იმ მოთხოვნას, რაც დღესაც კეთდება. დღეს მაგალითად, ჩვენს დაწესებულებაში არის თანამშრომლების ნაწილი ვაქცინირებული, ისინი იკეთებენ პერიოდულ სისტემურ ტესტირებას იმიტომ, რომ სტრატეგიული მნიშვნელობის ობიექტია და მაღალ რისკებს შეიცავს. ასევე, პენიტენციურ სისტემაში დაწესდა ძალიან კარგი და სამართლიანი მოთხოვნები, რაც მოიცავს არჩევანის შესაძლებლობას, იქნება ეს PCR ტესტირება თუ ვაქცინაცია. ეს საკითხები ჯერ კიდევ არის განხილვის ფაზაში და აქ ბალანსის დაცვა მნიშვნელოვანია“, - განაცხადა გაბუნიამ.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა