ნარკოტესტთან დაკავშირებით პოზიცია იცით, რომ მიხეილ სააკაშვილი მზად არის გაიაროს ნებისმიერი ნარკოტესტი. როგორც ფსიქოტროპულ, ისე მასუბუქ და მძიმე ნარკოტიკებთან მიმართებაში, - ამის შესახებ მესამე პრეზიდენტის მიხეილ სააკაშვილის ადვოკატმა გიორგი გელხაურმა ჟურნალისტებს სააკაშვილთან ციხეში შესვლამდე განუცხადა.

მისი თქმით, სააკაშვილს შეზღუდული აქვს სატელეფონო ზარის უფლება, ასევე არ აძლევენ ტელევიზორს, იმყოფება საინფორმაციო ვაკუუმში და ადვოკატები ციხეში შედიან იმისთვის, რომ ნახონ და გადასცენ ყველა ის ინფორმაცია, რაც პოლიტიკურ დღის წესრიგია.

„ჯანმრთელობის მდგომარეობასთან დაკავშირებით იცით, რომ ის შიმშილობს, ამ ეტაპისთვის თავს კარგად გრძნობს. ექიმთან დაკავშირებით მან განაცხადა, რომ უარს ამბობს ნებისმიერი სამედიცინო ჩარევაზე. შემდგომში უკვე,ჯანმრთელობის მდგომარეობა რამდენსაც მისცემს იმდენ ხანს გააგრძელებს შიმშილობას, - აცხადებს გიორგი გელხაური.