8 ოქტომბერს პარლამენტში „ალმას“ ინიციატივას განიხილავენ, რომლის საფუძველზეც სიძულვილის ენის შემცველი და აგრესიის გამომწვევი რეკლამის განთავსება აიკრძალება

8 ოქტომბერს, პარლამენტის იურიდიულ საკითხთა კომიტეტი გარე რეკლამის გამავრცელებელი კომპანიის “ალმას“ საკანონმდებლო წინადადებას განიხილავს, რომლის საფუძველზეც სიძულვილის ენის შემცველი და აგრესიის გამომწვევი რეკლამის განთავსება აიკრძალება.

შპს “ალმა“ ცვლილებების განხორციელებას “საარჩევნო კოდექსსა“ და “რეკლამის შესახებ“ კანონში ითხოვს.

როგორც კომპანია აღნიშნავს, მათ კუთვნილ გარე რეკლამის კონსტრუქციებზე სიძულვილის ენის შემცველი სარეკლამო ბანერების გამოჩენას საზოგადოების ნაწილის მხრიდან სამართლიანი და ობიექტური ხასიათის ნეგატიური გამოხმაურება მოჰყვა.

“ალმა“ აცხადებს, რომ ემიჯნება ნებისმიერ ქმედებას, რომელიც სიძულვილს, აგრესიას და საზოგადოების პოლარიზაციას იწვევს.

“აღნიშნული სარეკლამო ბანერების განთავსებას არ ვეთანხმებით, იმის გათვალისწინებით, რომ სიძულვილის ენის გამოყენება, საზოგადოების პოლარიზაციისა და აგრესიის გამოწვევის ნებისმიერი მცდელობა მიუღებელია, თუმცა მოქმედი კანონმდებლობის გათვალისწინებით, ჩვენ როგორც რეკლამის გამავრცელებლებს, რეკლამის დამკვეთისთვის მომსახურების გაწევაზე უარის თქმის კანონმდებლობით გათვალისწინებული საფუძველი არ გვქონდა“, - ვკითხულობთ პარლამენტში წარდგენილ საკანონმდებლო წინადადებაში.

“ალმას“ შეფასებით, პარლამენტის მიერ საკანონმდებლო ცვლილებების მიღება რეკლამის გამავრცელებლებს შესაძლებლობას მისცემს, რეკლამის დამკვეთებს სიძულვილისა და აგრესიის პროპაგანდის შემცველი, შეურაცხმყოფელი სარეკლამო საშუალებების განთავსებაზე, ლეგიტიმური უარი განუცხადონ.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა