რელიგიის საკითხთა სახელმწიფო სააგენტოში ინტერრელიგიური სათათბიროს წევრებს შეხვდნენ

რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე, თავმჯდომარის მოადგილე გიორგი უკლება, შინაგან საქმეთა სამინისტროს არქივის დირექტორი ბადრი ჩერქეზიშვილი, არქივის თანამშრომლები ივანე ჯახუა და ლევან ვარდიძე ინტერრელიგიური სათათბიროს წევრებს: საქართველოს სამოციქულო ავტოკეფალიური მართლმადიდებელი ეკლესიის, სრულიად საქართველოს მუსლიმთა სამმართველოს, სომეხთა სამოციქულო მართლმადიდებელი ეკლესიის საქართველოს ეპარქიის, ლათინ-კათოლიკეთა კავკასიის სამოციქულო ადმინისტრაციის, საქართველოს ევანგელურ-ლუთერანული ეკლესიის, საქართველოს ევანგელურ-პროტესტანტული ეკლესიის წარმომადგენლებს შეხვდნენ. შეხვედრა დღეს, საქართველოს მთავრობის ადმინისტრაციაში გაიმართა. ამის შესახებ ინფორმაციას რელიგიის სააგენტო ავრცელებს.

როგორც გავრცელებულ ინფორმაციაშია აღნიშნული, რელიგიის სააგენტოს თავმჯდომარემ ინტერრელიგიური სათათბიროს წევრებს გააცნო სააგენტოსა და საქართველოს შინაგან საქმეთა სამინისტროს ერთობლივი ინიციატივა - საარქივო მასალებზე დაყრდნობით, გამოიცეს ნაშრომი საბჭოთა პერიოდში რეპრესირებული რელიგიური ორგანიზაციების წარმომადგენელი სასულიერო პირების შესახებ. სათათბიროს წევრებს მიმართეს შსს არქივის დირექტორმა ბადრი ჩერქეზიშვილმა და არქივის თანამშრომლებმა ივანე ჯახუამ და ლევან ვარდიძემ, რომლებმაც ისაუბრეს გამოცემის მნიშვნელობაზე.

მათივე ინფორმაციით, ინტერრელიგიური სათათბიროს უკლებლივ ყველა წევრი მოწონებით შეხვდა ახალ წამოწყებას. ზაზა ვაშაყმაძემ წინადადებით მიმართა თითოეულ მათგანს, მიაწოდონ რეპრესირებული სასულიერო პირების შესახებ მათ ხელთ არსებული ყველა ინფორმაცია, რათა ის ახალ გამოცემაში სრულად აისახოს.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო