თბილისში არაბული და ადგილობრივი ტურისტული კომპანიების B2B შეხვედრები გაიმართა

თბილისის ტურისტული პროდუქტების ცნობადობის გაზრდის მიზნითა და კერძო სექტორის მხარდასაჭერად, დედაქალაქს არაბთა გაერთიანებული საემიროების, ქუვეითის, კატარის, ომანის, ბაჰრეინისა და საუდის არაბეთის სამეფოს ტურისტული კომპანიების წარმომადგენლები სტუმრობენ, -ამის შესახებ ინფორმაციას თბილისის მერია ავრცელებს.

მათივე ინფორმაციით, ვიზიტის ფარგლებში, დღეს თბილისისა და საქართველოს შესახებ პრეზენტაციები, ასევე, სტუმარ ორგანიზაციებსა და ქართულ ტურისტულ კომპანიებს შორის B2B შეხვედრები გაიმართა, რომელსაც დედაქალაქის მერის მოადგილე ანდრია ბასილაია დაესწრო.

„თბილისის მერია სხვადასხვა პროექტის სახით, აქტიურად არის ჩართული ტურიზმის სექტორის აღდგენის პროცესში. ჩვენთვის ერთ-ერთი მთავარი ამოცანაა, დედაქალაქში ტურისტების რაოდენობის ზრდასთან ერთად, ხელი შევუწყოთ მაღალმხარჯველიანი ბაზრებიდან ვიზიტორების მოზიდვას. არაბული კომპანიების ვიზიტი მნიშვნელოვანია თბილისის საერთაშორისო პოზიციონირებისა და პოსტპანდემიურ პერიოდში ტურიზმის სექტორის სწრაფი აღდგენისთვის. აღნიშნული ღონისძიება და B2B სესია ხელს შეუწყობს ქართული და უცხოური ტურისტული კომპანიების წარმომადგენლებს შორის საქმიანი ურთიერთობების გამყარებას. დარწმუნებული ვარ, კერძო და საჯარო სექტორის ერთობლივი ძალისხმევით და სწორი მიდგომებით, შევძლებთ, სწრაფად მივაღწიოთ ტურიზმის სექტორის სრულ აღდგენას“, - განაცხადა ანდრია ბასილაიამ.

ღონისძიების მიზანს წარმოადგენს თბილისში რეგისტრირებული ტურისტული კომპანიების მაღალმხარჯველიანი ტურისტული ბაზრების წარმომადგენლებთან საქმიანი კავშირების დამყარება, გამოცდილების გაზიარება და პარტნიორებთან ერთად, მომავალი აქტივობების დაგეგმვა, რაც განსაკუთრებულ მნიშვნელობას იძენს Covid 19-ის პანდემიით დაზარალებული ტურიზმის სექტორის მხარდასაჭერად.

აღნიშნული ღონისძიება ტურიზმის სექტორს საშუალებას მისცემს, აქტიურად იმუშაონ ახალ ტურისტულ ბაზრებზე, მოიზიდონ მეტი საერთაშორისო მაღალმხარჯველიანი ვიზიტორი და ამასთანავე, ხელს შეუწყობს ტურისტული დანახარჯების ზრდას, რაც თბილისის მოსახლეობის ეკონომიკურ კეთილდღეობაზე აისახება.

ტურისტული კომპანიების წარმომადგენლებთან B2B შეხვედრები თბილისის მერიის ორგანიზებით იმართება.

ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
ქართული პრესის მიმოხილვა 30.01.2023
გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
კახა ოქრიაშვილი - ჩვენი ეკონომიკა გაიზარდა მხოლოდ შარშან, უკრაინის გაუბედურების ხარჯზე, რადგან საქართველოში ხალხი და ფული რუსეთიდან შემოდის
„ლიბერთი“ მასშტაბური პროექტის „ახალგაზრდული მეწარმეობა სოფლის განვითარებისთვის“ სტრატეგიულ პარტნიორობას აგრძელებს
BTU-მ ხელოვნური ინტელექტის ეროვნული სტრატეგიის შექმნისთვის საჭირო კვლევა დაიწყო
სიახლე - „ლიბერთის“ ბანკომატებში Apple Pay-ს და Google Pay-ს გამოყენებით უკვე შესაძლებელია ნებისმიერი ოპერაციის შესრულება
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა