ზურაბ ჯაფარიძის განცხადებით, „ოცნებას“ „იდიოტური სტრატეგია“ აქვს, როცა მოსახლეობას ეუბნება, რომ ოპოზიციური კანდიდატის გამარჯვების შემთხვევაში, ქალაქის მთავრობა ვერ იმუშავებს

“გირჩი - მეტი თავისუფლების“ ლიდერის, ზურაბ ჯაფარიძის განცხადებით, „ქართულ ოცნებას“ იდიოტური სტრატეგია აქვს არჩეული, როცა მოსახლეობას ეუბნება, რომ ოპოზიციური კანდიდატის გამარჯვების შემთხვევაში ქალაქის მთავრობა ვერ იმუშავებს.

როგორც ჯაფარიძე ამბობს, ღარიბაშვილის და კალაძის რიტორიკა შეცვლილია, რაც აჩვენებს, რომ შეშინებულები არიან.

„ეს არის მოსახლეობის შანტაჟი. ვერცერთი პარტია ვერ წავა მოსახლეობის უმრავლესობის ნების წინაშე. როდესაც დედაქალაქის მოსახლეობის უმრავლესობა გადაწყვეტს, რომ მთავრობა აქ უნდა იყოს კოალიციური, როგორ არ დაემორჩილებიან მოსახლეობის ნებას, მაგასაც ვნახავთ. ზუგდიდში არის ადგილი, სადაც მათ პირველი ტური წააგეს და ძალიან, ძალიან დიდი შანსი არის, რომ მეორე ტურიც წააგონ და ეს თვითონაც იციან. ამიტომ მთელი რესურსი იქნება იქ მობილიზებული, იქნება ეს ძალოვნები სუს-ის სახით, თუ ქურდული სამყარო. ყველანი იქ არიან და ცდილობენ რამენაირად წაგება არ გაფორმდეს. ძალოვნების მხრიდან თანამდებობების დატოვება აჩვენებს, რომ სისტემის შიგნით არის რღვევა. სინამდვილეში ეს სისტემა დგას თოფიან ხალხზე და მოსმენების ხალხზე - სუს-ი და შსს და ასევე დგას ფულზე. როგორც ჩანს, თოფიანი ხალხის ნაწილში რღვევა დაეწყოთ, იქაც არიან წესიერი ადამიანები, რომლებიც ხედავენ, რომ სისტემის მუშაობა ასე ვეღარ გაგრძელდება“, - განაცხადა ჯაფარიძემ და დასძინა: „თუ ატყობთ ღარიბაშვილის და კალაძის განცხადებებს, რიტორიკა შეიცვალეს. ეს ყველაფერი აჩვენებს, რომ შეშინებულები არიან“.

„ჩვენ რამე გვეტყობა პანიკის? გამოვდივართ და ხალხს ველაპარაკებით. ეს ქმედებები, მათ შორის ხელყუმბარების ჩადებები აჩვენებს იმას, რომ ისინი შეშინებულები არიან. რაღაც თვალსაზრისით, ალბათ, რღვევა არის დაწყებული „თოფიანი ხალხის“ სისტემაში, სუს-ი იქნება ეს თუ შსს. მაგ სისტემებზე და ფულზე დგანან, ეგ არის და ეგ“, - განაცხადა ჯაფარიძემ.

ამასთან, მანვე აღნიშნა, რომ არჩევნების მეორე ტურიც რეფერენდუმია.

„თბილისში ან ნებისმიერ ოლქში გამარჯვებას ვუყურებ როგორც გზას, რომ ეს ქვეყანა მივიდეს ხელახალ არჩევნებამდე. სხვა გზა არ გვაქვს. ჩვენ ამ წუთში პოლიტიკურ კრიზისში ვცხოვრობთ. სანამ ეს კრიზისი არ განიმუხტება, კრიზისი კიდევ უფრო გაგრძელდება და ქვეყანას ჩაითრევს“, - განაცხადა ჯაფარიძემ.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს