„რომ არა ცენტრალური ხელისუფლების, უშუალოდ პრემიერის დახმარება შეუძლებელი იქნებოდა ბოლო 4 წლის განმავლობაში მნიშვნელოვანი პროექტების განხორციელება", - ამის შესახებ დედაქალაქის მერმა, კახა კალაძემ ჟურნალისტის კითხვის საპასუხოდ განაცხადა, როგორ შეაფასებს ის თანაპარტიელების განცხადებას, რომ ოპოზიციური მერობის კანდიდატი ცენტრალური ხელისუფლების გარეშე დესტრუქციულ ძალად იქცევა.
დედაქალაქის მერი აცხადებს, რომ ცენტრალური ხელისუფლების მხარდაჭერას ძალიან დიდი მნიშვნელობა აქვს.
„მე, როგორც ქალაქის მერმა შემიძლია გითხრათ, რომ არა ცენტრალური ხელისუფლების, უშუალოდ პრემიერის დახმარება შეუძლებელი იქნებოდა ბოლო 4 წლის განმავლობაში იმ მნიშვნელოვანი პროექტების განხორციელება, რომელიც დედაქალაქში გავაკეთეთ. დარწმუნებული ვარ, შემდეგი 4 წელიც იქნება ეს მხარდაჭერა, რომ შევძლოთ ყველა იმ მასშტაბური პროექტის განხორციელება, რომელიც დაანონსებული მაქვს და პრინციპულად მნიშვნელოვანია ქალაქის აღმშენებლობისთვის", - აღნიშნავს კალაძე.