მამუკა გამყრელიძე - საქართველოს პოლიტიკურ სივრცეში მიმდინარე პროცესები სულ უფრო ემსგავსება შუა საუკუნეების ფეოდალურ ომებს

სამწუხაროა, რომ საქართველოში პოლიტიკური კლასის კულტურა კვლავ ძალიან დაბალია და ყველა მორიგ არჩევნებს ვატარებთ უფრო და უფრო მძიმე წინასაარჩევნო გარემოში, რომელიც სავსეა ოპონენტების მიმართ არაეთიკური ბრალდებებით, ეს ძალიან შორს არის იმ სტანდარტისგან, როგორც ტარდება არჩევნები დემოკრატიულ ევროპულ ქვეყნებში, - განაცხადა პარტია „ევროპელი დემოკრატების“ გენერალურმა მდივანმა მამუკა გამყრელიძემ.

მამუკა გამყრელიძის თქმით, პოლიტიკოსების დიდ ნაწილს არ აქვს გაცნობიერებული, რომ პოლიტიკოსის სტატუსი არა მხოლოდ საჯაროობას ითვალისწინებს, არამედ იმასაც, რომ ასეთი ადამიანები მაგალითი იყვნენ საკუთარი ამომრჩევლისთვის.

„საქართველოს პოლიტიკურ სივრცეში მიმდინარე პროცესები სულ უფრო ემსგავსება შუა საუკუნეების ფეოდალურ ომებს, როცა საკუთარი ლიდერის გარშემო შემოკრებილი სხვადასხვა, დიდი თუ პატარა დაჯგუფებები ერთმანეთს სამკვდრო-სასიცოცხლოდ არიან დაპირისპირებული, შემდეგ კი, კონიუნქტურის მიხედვით ისე სწრაფად და მარტივად გადაჯგუფდებიან, რომ ვეღარც ასწრებ იმის გარკვევას, ვინ და როდის იყო ერთმანეთის მოწინააღმდეგე თუ თანამებრძოლი.

პოზიციების და პოლიტიკური გემოვნების ასეთი სწრაფი ცვლილების პირობებში, უპრიანი იქნებოდა პოლიტიკოსებს თავი შეეკავებინათ ერთმანეთის ზედმეტად ხისტი, ხანდახან სრულიად უხამსი შეფასებებისაგან. რას არ გაიგონებ ქართულ პოლიტიკურ სივრცეში: “პოლიტიკური ჯართი”, “ქათმის ბარკლის ქურდი”, “მევახშე”, “ბავშვიყლაპია” და ა.შ. უცნაურია, მაგრამ ერთმანეთის შემკობა ასეთი სიტყვებით, ხელს არ უშლის ამ ადამიანებს პოლიტიკური მიზანშეწონილობის მიხედვით მორიგ ჯერზე ერთმანეთის გვერდით დგომასა და ამჯერად უკვე აღტაცებული ეპითეტების მიძღვნაში. სამწუხაროდ ბევრს ვერ გაუცნობიერებია, რომ პოლიტიკოსის სტატუსი არა მხოლოდ საჯაროობას ითვალისწინებს, არამედ იმასაც, რომ ასეთი ადამიანი მაგალითია საკუთარი ამომრჩევლისთვის. ქვეყნის ზოგიერთი ლიდერი, არათუ პოლიტიკაში, ქუჩის დონეზეც კი მიუღებელი ვორდინგით საუბრობს. ამით განსაკუთრებით გამოირჩევიან მმართველი პარტიის წარმომადგენლები, რომლებიც თითქოს ეჯიბრებიან ერთმანეთს ოპონენტის მიმართ უხამს და ხეპრე ლექსიკაში.

იმედია, ოდესმე ამაღლდება ქართულ პოლიტიკურ ველზე ურთიერთობის კულტურა და საქართველოც დადგება ევროპის მრავალსაუკუნოვანი საპარლამენტო გამოცდილების მქონე ქვეყნების გვერდით, როგორც ცივილიზებული პოლიტიკური კლასის მქონე სახელმწიფო“, - აცხადებს მამუკა გამყრელიძე, რომლის კომენტარს პარტიის პრესსამსახური ავრცელებს.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 19.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში