ირაკლი კობახიძე 27 ოქტომბერს დაგეგმილ შეკრებაზე - ძალიან ბევრ ქვეყანაში აპრობირებული პრაქტიკაა - პარტიის ორგანიზებულია ეს და არა ხელისუფლების

„ქართული ოცნების“ თავმჯდომარის ირაკლი კობახიძის განცხადებით, წინასაარჩევნოდ ადამიანების შეკრება ძალიან ბევრ ქვეყანაში აპრობირებული პრაქტიკაა.

როგორც მან ჟურნალისტებს განუცხადა, 27 ოქტომბერს დაგეგმილი შეკრება პარტიის ორგანიზებულია და არა ხელისუფლების.

„ეს არის საარჩევნო შეკრება და რა თქმა უნდა, ძალიან ბევრ ქვეყანაში არის აპრობირებული პრაქტიკა როგორც აშშ-ში, ასევე ევროკავშირის წევრ ქვეყნებში, როდესაც წინასაარჩევნოდ ადამიანები იკრიბებიან იმისთვის, რომ ერთმანეთს გაუზიარონ მათ შორის ემოციები. ეს არის ძალიან მიღებული პრაქტიკა. პარტიის ორგანიზებულია ეს და არა ხელისუფლების“,- განაცხადა კობახიძემ.

ჟურნალისტის კითხვაზე, მიჰყავთ თუ არა საჯარო მოხელეები აქციაზე იძულების წესით, ირაკლი კობახიძემ უპასუხა, რომ „არც საქართველოში და არც სხვა ევროპულ ქვეყნებში ასეთი რამ არ ხდება, არამედ ეს ქვეყანაში 2012 წლამდე ხდებოდა.

„2012 წლამდე კრიმინალები ხშირად იკრიბებოდნენ ხოლმე, ახლაც იკრიბებიან მიხეილ სააკაშვილის გარშემო, თუმცა, ამასაც დაესმება წერტილი 30 ოქტომბრის შემდეგ. სიცრუის გავრცელებას უნდა მოეშვათ. ახლა ჩვენ ვართ ხაშურის მუნიციაპალიტეტში, ქვიშხეთში, ეს სოფელი უკავშირდება დიმიტრი ყიფიანის სახელს, მახსოვს, რამდენიმე დღის წინ თქვენმა უფროსმა გვარამიამ, დიმიტრი ყიფიანი მიხეილ სააკაშვილს შეადარა და თქვა, რომ სააკაშვილი უფრო მნიშვნელოვანი მოღვაწე იყო საქართველოსთვის. აი, სად ხართ, აქედან ძალიან კარგად ჩანს. ეს არის თქვენი რეალური ლიდერების სახე, სააკაშვილის და გვარამიას“,- განაცხადა კობახიძემ.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
4-5 ივნისს თბილისის საკონცერტო დარბაზში „ერისიონი“ ახალი პროგრამით წარდგება
IF Design-ის 2022 წლის ღონისძიებაზე ჰიუნდაიმ 9 ჯილდო მოიპოვა
რომელ Galaxy A სმარტფონს ირჩევ შენ?
ვებსტერის უნივერსიტეტსა და თიბისის შორის მემორანდუმი გაფორმდა
ლიბერთი ბანკი - დიდი პასუხისმგებლობა და პატივია უნიკალური ინფრასტრუქტურით მოვემსახუროთ სოციალური გასაცემლების მიმღებ პირებს