იაგო ხვიჩიამ უმრავლესობას „ოცნების“ მიერ წარდგენილი კანდიდატების მეორე ტურში გამარჯვება მიულოცა და მათ ოპოზიისადმი პატივისცემით მოპყრობა სთხოვა

„გირჩის“ წევრმა იაგო ხვიჩიამ საპარლამენტო უმრავლესობას „ქართული ოცნების“ მიერ წარდგენილი კანდიდატების თვითმმართველობის არჩევნების მეორე ტურში გამარჯვება მიულოცა და მმართველი გუნდის წევრებს ოპოზიისადმი პატივისცემით მოპყრობა სთხოვა.

როგორც მან ბიუროს სხდომაზე განაცხადა, მას ამომრჩევლები პარლამენტში შესვლის გამო საყვედურობენ, რადგან მოქალაქეების შეფასებით, მათ საკანონმდებლო ორგანოში არაფრის გაკეთების ბერკეტი არ აქვთ.

„მე გადავწყვიტე, საკუთარი მაგალითით, ჯერ ეს ჩემს კოლეგებს არ გაუკეთებიათ, დავიწყო და თქვენგანაც იგივე მოვითხოვო - ერთმანეთთან პატივისცემით ურთიერთობა. მინდა მოგილოცოთ არჩევნებში გამარჯვება. ასევე, მინდა დავინახო, რომ თქვენც აპირებთ ოპოზიციიდან ვინმესთან სერიოზულ თანამშრომლობას. ყველას გვესმის, რომ კარგი აზრები მხოლოდ ხელისუფლებაში ყოფნისას არ იბადება. შეუძლებელია, კარგი აზრები მხოლოდ იმ ხალხს მოსდიოდეს თავში, რომლებიც ხელისუფლებაში არიან. აქამდე არ მიგრძვნია, რომ რამეში შეიძლება თქვენი იმედი გვქონდეს, მე თუ მივაგენი როგორ არის სწორი ქცევა. ოპოზიციონერს ფიზიკურად არანაირი შანსი არ მაქვს რამე გავიტანო. ყველამ ვიცით, რომ თუ კანონპროექტი არის ხელისუფლების შემოტანილი, მისი მიღება მაღალი ალბათობით შესაძლებელია. თუ ოპოზიციის შეტანილია კანონპროექტი, არა. მე ჯგუფებშიც, მათ შორის „გირჩის“ ჯგუფებში, ადამიანები პარლამენტში შესვლის გამო მსაყვედურობენ. რა გინდოდათ რომ შეხვედით, მაინც ვერაფერს აკეთებთ, ადამიანებისთვის ვერაფერს ცვლითო. ჩვენ 11 საკითხი გვაინტერესებს და შეუძლებელია რომელიმე თქვენგანს არ აინტერესებდეს ან ყველა იბრძოდეს 11-ვეს წინააღმდეგ. როგორც მე გადავდგი ნაბიჯი და მოგილოცეთ, თქვენც გადადგით ნაბიჯი და მითხარით, სად მიიღება გადაწყვეტილება კონკრეტულ საკითხებთან დაკავშირებით.

მართლა ყველას გვაკრიტიკებენ ჩვენი ამომრჩევლები, რა აზრი აქვს მანდ სიარულს დროს რომ კარგავთო, მანდ რატომ დადიხართო. მაგალითად, ხომ ძალიან მარტივია, ახლა შევთანხმდეთ იმაზე, რომ 84 კაცი კანაფის გამო ციხეში არ იჯდეს. კონკრეტულად ლეგალური მცენარის გამო. ვისაც სიმსივნე აქვს, სტკივა, გამაყუჩებელი ჰქონდეს და ამას არა პოლიციელი, არამედ ექიმი წყვეტდეს. რა უნდა გავაკეთოთ, რომ სადაც მართლები ვართ, ვის დაველაპარაკოთ ამის გადასაჭრელად,“- განაცხადა იაგო ხვიჩიამ.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები