თბილისში, ახვლედიანის ქუჩაზე მდებარე მასაჟის ცენტრის თანამშრომლის, მადონა გაჩეჩილაძის განცხადებით, მოკლული ტაილანდის მოქალაქეა და საქართველოში ორი კვირის წინ ჩამოვიდა.

ადგილზე აცხადებენ, რომ მასაჟის ცენტრში მოკლული 38 წლამდე ტრანსგენდერი ქალია.

„თავიდან მოვიდნენ სამნი და წავიდნენ, შემდეგ ერთი დაბრუნდა. როგორც ვიცით, რაღაც მომსახურებაზე უთხრეს უარი და მერე დაბრუნდა ცივი იარაღით. იგი ორი კვირის წინ ტურისტულად ჩამოვიდა და აპირებდა ემუშავა მასაჟისტად“, - განაცხადა მადონა გაჩეჩილაძემ.

როგორც „ინტერპრესნიუსს“ შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 108-ე მუხლით დაიწყო, რაც განზრახ მკლელობას გულისხმობს.