მამუკა მდინარაძე - ორჯერ უკვე არ შევუწყვიტეთ მანდატები და მესამედ აღარ ვაპირებთ დავარწმუნოთ დარჩნენ პარლამენტში

ეს არის მათი მხრიდან ხალხის წინაშე აღებული ვალდებულებების დარღვევა, შარლ მიშელის შეთანხმების დარღვევა, - ასე ეხმიანება ფრაქცია „ქართული ოცნების" თავმჯდომარე მამუკა მდინარაძე "ლელოს" ლიდერის მამუკა ხაზარაძის და "ნაციონალური მოძრაობის" რამდენიმე დეპუტატის გადაწყვეტილებას, დატოვონ პარლამენტი.

მდინარაძე აცხადებს, რომ უმრავლესობა ხვეწნას და მათ დარწმუნებას, რომ პარლამენტში დარჩნენ, აღარ აპირებს.

„ეს არ არის პასუხისმგებლიანი საქციელი. თუ მათ ბევრი აყვება, საკონსტიტუციო ცვლილებები დადგება კითხვის ნიშნის ქვეშ, ეს ბუნებრივად მოხდება. ვის წისქვილზე დაასხამს წყალს, ეს საზოგადოებამ განსაჯოს და ვისი თამაშია და ვის თამაშში შეყოლა, ესეც საზოგადოებას შეუძლია სწორად განსაჯოს. შესაბამისად, ვფიქრობ, მეტი პასუხისმგებლობა უნდა გამოიჩინონ, როცა ასეთ განცხადებებს ცხელ გულზე აკეთებენ. ჩვენი მხრიდან ხვეწნას ნამდვილად არ ვაპირებთ, თუ მათი სურვილი იქნება, ორჯერ უკვე არ შევუწყვიტეთ მანდატები და მესამედ აღარ ვაპირებთ დავარწმუნოთ დარჩნენ პარლამენტში, თუ მათი სურვილი იქნება, ამას გავაკეთებთ“, - განაცხადა მდინარაძემ.

სადეპუტატო მანდატის დატოვების თაობაზე ფრაქცია „ნაციონალური მოძრაობიდან“ განცხადებები გააკეთეს ანა წითლიძემ, ნონა მამულაშვილმა და ლევან ვარშალომიძემ. მანამდე პარლამენტის დატოვების შესახებ განაცხადა მამუკა ხაზარაძემ. იგივეს აპირებს ზურაბ ჯაფარიძე.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება