მამუკა ხაზარაძე - ერთხელ და სამუდამოდ საქართველოში ისეთი არჩევნები უნდა ჩავატაროთ, რომელზეც კითხვები არ იქნება და მიტინგები არ დასჭირდება

აქ იმიტომ კი არ ვდგავარ, პროტესტი მაქვს რომ ჩვენ ხელისუფლებაში უნდა მოვიდეთ, აქ იმიტომ ვდგავართ, რომ ერთხელ და სამუდამოდ საქართველოში ისეთი არჩევნები უნდა ჩავატაროთ, რომელზეც კითხვები არ იქნება და მეორე დღეს ასეთი მიტინგები არ დასჭირდება - ამის შესახებ „ლელოს“ ლიდერმა მამუკა ხაზარაძემ ბათუმში გამართულ აქციაზე განაცხადა.

მისივე თქმით, კოალიცია უალტერნატივოა და ხვალინდელი დღე კოალიციური მმართველობისთვისაა.

„მინდა, პირველ რიგში, დიდი მადლობა გადაგიხადოთ, იმ ერთობისა და მაგალითისთვის, რომელიც ბათუმმა აჩვენა. აჩვენა ის, რომ სხვა გზა ჩვენს ერს არ გააჩნია, თუ ჩვენ ერთმანეთის გულების მიმართულებით არ ავაშენეთ ხიდები. სწორედ ბათუმი იყო ის ადგილი, სადაც სხვადასხვა პარტიამ და მათმა ლიდერებმა მთელს საქართველოს მისცეს მაგალითი, თუ როგორი მთავრობა და როგორი მომავალი უნდა ჰქონდეს ამ ქვეყანას. თქვენ იყავით სწორედ ის ინსპირაცია, რომელმაც მე და ჩემს თანაგუნდელებს გადაგვადგმევინა ის ნაბიჯი, რომ ჩვენ ხვალინდელი დღე ერთად უნდა ავაშენოთ. მხოლოდ და მხოლოდ ხვალინდელ დღეზე უნდა ვიყოთ ორიენტირებულები. ჩვენ რომ გვინდა ძლიერი სახელმწიფო და ჩვენ როცა ვსაუბრობთ გაერთიანებაზე, აფხაზეთის, სამაჩაბლოს, აფხაზი და ოსი ადამინების შემოერთებაზე და ერთიან ძლიერ სახელმწიფოზე, რა მაგალითი უნდა მივცეთ თითოეულ მათგანს, როცა ერთმანეთში ვერ ჩამოგვიყალიბებია რა გვინდა ხვალ. ამიტომაა ბათუმის მაგალითი გადამდები და კოალიცია უალტერნატივო. ამიტომ არის ხვალინდელი დღე კოალიციური მმართველობისთვის. საქართველოში პოსტსაბჭოთა მენტალობა უნდა დასრულდეს! პოსტსაბჭოთა მენტალობა არის ერთი კაცის მენტალობა, პოსტსაბჭოთა მენტალობა არის ერთპარტიული მენტალობა და ის წართმეული არჩევნები, როცა ქართველ ხალხს სულს აძრობ და ყველაზე მთავარს, ხმის მიცემის უფლებას ართმევ. შენ შენს შვილს მომავალს ართმევ ამით. ვიღაცას ჰგონია, რომ ჯიბეში ჩადებული გასამრჯელო, რომელსაც ამაში იღებს, არის მადლიანი. ის არ არის მადლიანი ფული, ის არის სამშობლოს წინააღმდეგ მიმართული ფული, ის არის ღალატის ტოლფასი, ამისკენ მიმართული ფული. აქ იმიტომ კი არ ვდგავარ, პროტესტი მაქვს რომ ჩვენ ხელისუფლებაში უნდა მოვიდეთ, აქ იმიტომ ვდგავართ, რომ ერთხელ და სამუდამოდ საქართველოში ისეთი არჩევნები უნდა ჩავატაროთ, რომელზეც კითხვები არ იქნება და მეორე დღეს ასეთი მიტინგები არ დასჭირდება. ეს არის სამართლიანი და სწორი სახელმწიფოს მშენებლობა. მე აქ იმიტომ ვდგავარ, რომ არ უნდა გვქონდეს ისეთი სასამართლო, რომლის ვითომ დასამარცხებლად მოვიდა „ქართული ოცნება“ და დღეს ის მოსამართლეები ასამართლებენ ისევ ადამიანებს. ასეთი სასამართლოს შესაცვლელად ვართ გაერთიანებულები“, - განაცხადა ხაზარაძემ.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა