გია ვოლსკი - როცა 300-მოსამართლიანი კორპუსის შეხვედრას უწოდებ ჩუმად ჩატარებულ ფორუმს, ობიექტურობაზე შეიძლება სერიოზულად ვიდავოთ, მნიშვნელობა არ აქვს, ვისი განცხადება იქნება

როცა 300 - მოსამართლიანი კორპუსის მიერ ჩატარებულ შეხვედრას უწოდებ ჩუმად ჩატარებულ ფორუმს, აქ ობიექტურობაზე შეიძლება სერიოზულად ვიდავოთ, მნიშვნელობა არ აქვს, ვისი განცხადება იქნება ეს - მედიის თუ ევროკავშირის,- ამის შესახებ პარლამენტის პირველმა ვიცე- სპიკერმა გია ვოლსკიმ განაცხადა, რითაც უპასუხა იუსტიციის უმაღლეს საბჭოში ორი წევრის არჩევასთან დაკავშირებით საქართველოში ევროკავშირის ელჩის განცხადებასთან დაკავშირებით დასმულ კითხვას.

ვოლსკი აცხადებს, რომ საქართველოს სასამართლო სისტემა რეგიონში პირველ ადგილზეა და მსოფლიოში მოწინავე პოზიციებს იკავებს.

"ის, რომ ყველას ყურადღება არჩევნებისკენ იყო მიპყრობილი, ეს არის სპეკულაცია, ვინაიდან, ასეთი თემები, როგორიც არის სასამართლო, სასამართლოში არჩევნები და ნებისმიერი თემა, რომელიც უკავშირდება "ნაცმოძრაობის" დღის წესრიგს, იყო მედიის დღის წესრიგში. თუკი, ვინმეს გამორჩა არჩევნები სასამართლოში, ეს რასაკვირველია, არ არის კარგი, მაგრამ როცა 300 მოსამართლიანი კორპუსის მიერ ჩატარებულ შეხვედრას, 270 კაცი იღებდა მონაწილეობას, უწოდებ ჩუმად ჩატარებულ ფორუმს, აქ ობიექტურობაზე შეიძლება სერიოზულად ვიდავოთ. მნიშვნელობა არ აქვს, ვისი განცხადება იქნება გაკეთებული მედიის თუ ევროკავშირის. ფაქტია, რომ არის დამოუკიდებელი სტრუქტურა, თავის დამოუკიდებლობის ხარისხით მსოფლიო რეიტინგებში არის მოწინავე ადგილებზე და მას ჰქვია საქართველოს სასამართლო. როგორც მელია ამბობს, რომ ეს სასამართლო ხელისუფლებას იყო დაქვემდებარებული მისი ხელისუფლებაში ყოფნის პერიოდში და ეს მავნე პრაქტიკა გრძელდება, ამაზე შეიძლება ვიდავოთ, გრძელდება თუ არა. თუკი ავიღებთ საერთაშორისო რეიტინგებს, არათუ პრაქტიკა გრძელდება, საქართველოს სასამართლო რეგიონში პირველ ადგილზეა, მსოფლიოში კი მოწინავე პოზიციები უკავია. ამ რეიტინგებს ატარებს მიუკერძოებელი ამერიკული ორგანიზაცია და ამ რეიტინგებს ალბათ, უნდა გადავხედოთ", - განაცხადა ვოლსკიმ.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს