26 მაისის აქციის დარბევის საქმის პროკურორი - დათა ახალაიას ლოზუნგი იყო: მეტი დაკავებული, მეტი პრემია, სწორედ ამ ლოზუნგით დაიწყო მიტინგის დარბევა

26 მაისის აქციის დარბევის საქმის პროკურორის გიორგი მუჯირის განცხადებით, კონსტიტუციური უსაფრთხოების დეპარტამენტის ყოფილი უფროსი დათა ახალაია საპოლიციო ღონისძიებას სადამსჯელო ღონისძიების სახით ატარებდა.

როგორც მუჯირი განმარტავს, ახალაიას ლოზუნგი ჰქონდა - მეტი დაკავებული, მეტი პრემია.

"დღევანდელ სასამართლო პროცესზე დაიკითხა დაზარალებული, რომელიც როგორც ჟურნალისტი, აშუქებდა აქციას. საპოლიციო ღონისძიების მიმდინარეობისას, მისთვის უნდა მიეცათ ტერიტორიის თავისუფლად დატოვების შესაძლებლობა. თუმცა, ნაცვლად იმისა, რომ ტერიტორია თავისუფლად დაეტოვებინა, სამართალდამცავები ამის შესაძლებლობას არ აძლევდნენ და ფიზიკურად გაუსწორდნენ. ეს არის კიდევ ერთი დასტური იმისა, რომ საპოლიციო ღონისძიება რეალურად სადამსჯელო ღონისძიების სახეს ატარებდა ლოზუნგით - მეტი დაკავებული, მეტი პრემია. ეს ლოზუნგი იმჟამინდელი კუდ-ის ხელმძღვანელის დავით ახალაიასი გახლდათ და სწორედ ამ ლოზუნგით იქნა დაწყებული მიტინგის დარბევა", - განაცხადა მუჯირმა.

ცნობისთვის, 26 მაისის აქციის დარბევის საქმეზე შინაგან საქმეთა სამინისტროს 5 ყოფილი მაღალჩინოსანია ბრალდებული.

დავით ახალაიას, გიორგი ლორთქიფანიძეს, ვასილ ლელუაშვილს, რევაზ შიუკაშვილს და ლევან ქარდავას ედავებიან სამსახურეობრივი უფლებამოსილების გადამეტებას ჩადენილს ძალადობით.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ქართული პრესის მიმოხილვა 06.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია