„დუგლაძეების ღვინის კომპანიამ“ და „ფენჯიუ ჯგუფმა“ ჩინეთში ერთობლივი სასაჩუქრე პროდუქტი წარადგინეს

2021 წლის 6 ნოემბერს, ქალაქ შანხაიში მიმდინარე ჩინეთის საერთაშორისო იმპორტ-ექსპოს ფარგლებში საქართველოს საგარეო ვაჭრობის ასოციაციის ორგანიზებით გაიმართა პირველი საქართველო-ჩინეთის ეკონომიკური, სავაჭრო და კულტურული ფორუმი, სადაც „დუგლაძეების ღვინის კომპანიამ“ და „ფენჯიუ ჯგუფმა“ ერთობლივი სასაჩუქრე პროდუქტი წარადგინეს. „ფენჯიუ ჯგუფი“ ჩინური ნაციონალური სასმელის - ბაიჯიუს ერთ-ერთი უმსხვილესი მწარმოებელია. სასაჩუქრე პროდუქტი ორი ქვეყნის ნაციონალური სასმელებისგან შედგება, დუგლაძეების ღვინის კომპანიის საფერავი სუპერიორი და ფენჯიუ ჯგუფის ბაიჯიუ. ფორუმის მიმდინარეობა ჩინეთის წამყვანმა მედიასაშუალებებმა გააშუქეს.

ფორუმზე დამსწრე საზოგადოებას ვიდეო მიმართვით მიესალმა საქართველოს გარემოს დაცვისა და სოფლის მეურნეობის მინისტრი ლევან დავითაშვილი. ღონისძიებას ესწრებოდა და დამსწრე საზოგადოებას სიტყვით მიმართა საქართველოს სრულუფლებიანმა ელჩმა ჩინეთის სახალხო რესპუბლიკაში - არჩილ კალანდიამ.

ფორუმზე დუგლაძეების ღვინის კომპანია ცნობილმა ბრიტანელმა ღვინის მაგისტრმა კესედი დარტსმა წარადგინა. მან დამსწრე საზოგადოებას გააცნო ქართული ყურძნის უნიკალური ჯიშები, ისაუბრა ქვევრში ღვინის დაყენების უნიკალურ ქართულ მეთოდზე და აღნიშნა ღვინის დარგის სწრაფი განვითარების ტემპები საქართველოში.

„დუგლაძეების ღვინის კომპანიამ“ და „ფენჯიუ ჯგუფმა“ ერთობლივი პროდუქტის წარმოების შესახებ შეთანხმება 2018 წელს გააფორმეს, ჩინეთის საერთაშორისო იმპორტ-ექსპოს პირველი გამოფენის ფარგლებში. კომპანიები მომავალშიც გეგმავენ ერთობლივი პროექტების განხორციელებას და ორ ქვეყანას შორის ურთიერთობის გაღრმავების ხელშეწყობას.

(R)

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია