გია ვოლსკი - ელენე ხოშტარიას მხარდაჭერა „ნაცმოძრაობისთვის“ არაფერს წამოადგენს, თუ არა უბრალო ანტურაჟს

ელენე ხოშტარიას მხარდაჭერა „ნაცმოძრაობისთვის“ არაფერს არ წამოადგენს, თუ არა უბრალო ანტურაჟს - გარდა იმისა, რომ “ნაციონალური მოძრაობის“ პოლიტიკისთვის აყოლით ქვეყნისთვის ცუდს აკეთებს, ამას სხვა აზრი არა აქვს, - აღნიშნული შეფასება ჟურნალისტებთან პარლამენტის პირველმა ვიცე-სპიკერმა გია ვოლსკიმ გააკეთა.

ვოლსკი თქმით, ხოშტარიას შიმშილობა ძალიან სამწუხაროა.

„პირადად დიდი ხანია ვიცნობ. რაღაც ამ ქვეყნისთვის გაუკეთებია, მაგრამ ჩემი აზრით, როგორც პოლიტიკოსი, არასწორ ფორმატში მოღვაწეობს“, - აღნიშნა გია ვოლსკიმ.

პარლამენტის პირველი ვიცე-სპიკერი ამბობს, რომ მიხეილ სააკაშვილი სამოქალაქო კლინიკაში გადაყვანას არ საჭიროებს, აქვს ყველა პირობა, რომ მის პრობლემებს, თუკი ასეთი წამოიშვება, პენიტენციური სისტემის ჯანდაცვამ მიხედოს.

„ზუსტად ერთი თვეა ყოველდღიურად საუბრობენ, რომ მიხეილ სააკაშვილი მდგომარეობა არის უკიდურესად მძიმე. ეს რეალობას არ შეესაბამება. სააკაშვილის და არც ერთი სხვა მძიმე თუ მსუბუქი დანაშაულის ჩამდენი პატიმრის ჯანმრთელობის შერყევა არც სახელწიფოს ინტერესებშია და არც ამ სახელმწიფოს ხელწერას არ შეესაბამება“, - განაცხადა გია ვოლსკიმ.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს