ამირან გამყრელიძე - მოსახლეობის სიკვდილიანობის 85% მოდის 60 წელს ზემოთ მოქალაქეებზე, ამიტომ, ყველაზე მთავარია ამ ხალხის აცრა
დაავადებათა კონტროლის ეროვნული ცენტრის ხელმძღვანელის, ამირან გამყრელიძის შეფასებით, ქვეყანაში არსებული ეპიდვითარება ძალიან რთულია.
როგორც მან იმუნიზაციის საბჭოს სხდომის დასრულების შემდეგ განმარტა, ეპიდვითარებისთვის დამახასიათებელი ყველა მაჩვენებელი გაუარესებულია.
„35%-ზეა ჩამოსული პირბადის ტარების მაჩვენებელი, რომელიც აცრის შემდეგ ყველაზე დიდი დაცვის საშუალებაა. მოსახლეობის სიკვდილიანობის 85% მოდის 60 წელს ზემოთ. ამიტომ, ყველაზე მთავარია ამ ხალხის აცრა", - განაცხადა გამყრელიძემ.
მისი თქმით, მოსახლეობის ვაქცინაციის ტემპის გააქტიურება აუცილებელია, რათა სიკვდილიანობის მაჩვენებელმა დაიკლოს.
„სამწუხაროდ, გვექნება დიდი ადამიანური დანაკარგი, ამიტომ გავითავისოთ ეს. ყველანაირ პოლიტიკაზე ზე საკითხია, რომ მოვუფრთხილდეთ ერთმანეთის სიცოცხლეს", - განაცხადა გამყრელიძემ.
