ხათუნა ლაგაზიძე - ოპოზიციამ და აქტივისტების ჯგუფებმა მემორანდუმს უნდა მოაწერონ ხელი, შეუერთდნენ პირობას, რომ არ იქნება ხალხმრავალი აქციები

ექსპერტი ხათუნა ლაგაზიძე აცხადებს, რომ იმ შემთხვევაში თუკი ყოფილ პრეზიდენტს, მიხეილ სააკაშვილს სამოქალაქო სამედიცინო საავადმყოფოში გადაიყვანენ, ოპოზიციამ და სამოქალაქო აქტივისტებმა მემორანდუმს უნდა მოაწერონ ხელი, რომლის თანახმადაც, ისინი კლინიკასთან ხალხმრავალ შეკრებებს არ მოაწყობენ.

როგორც ხათუნა ლაგაზიძემ „პალიტრანიუსის“ გადაცემაში „360 გრადუსი“ განაცხადა, მიუხედავად ამისა, „ქართულმა ოცნებამ“ მიხეილ სააკაშვილის უსაფრთხოების დაცვაზე პასუხისმგებლობა უნდა აიღოს.

„ოპოზიციამ და მათ შორის სამოქალაქო აქტივისტების ჯგუფებმაც მემორანდუმს უნდა მოაწერონ ხელი თუ გააჟღერონ, შეუერთდნენ „ნაციონალური მოძრაობის“ პირობას, რომ არ იქნება ხალხმრავალი აქციები იმ სამოქალაქო კლინიკის გარშემო - ეს არის ოპოზიციის პასუხისმგებლობა, მაგრამ ეს ხელისუფლებას პასუხისმგებლობიდან არ ათავისუფლებს, მაქსიმალური უსაფრთხოების ნორმები დააწესოს იმ კლინიკის გარშემო. ამ ხელისუფლებისგან უკვე ყველაფერს ველი, ამიტომაც, ოპოზიცია რომ ემიჯნება ამას, ეს ცალსახად კარგია“, - განაცხადა ლაგაზიძემ.

მისივე თქმით, მიხეილ სააკაშვილი რომც გადაიყვანენ სამოქალაქო სამედიცინო კლინიკაში, ამით აქციები, სავარაუდოდ, მაინც არ შეწყდება.

„უმთავრესი ის არის, რომ სააკაშვილის კლინიკაში გადაყვანით არ ამოიწურება პრობლება, რადგან ქვეყანაში არ არის სამართლიანი სასამართლო, რომლის ვერდიქტსაც დაიჯერებს რომელიმე მხარე და აღარაფერს ვლაპარაკობ დასავლეთზე. საპროტესტო აქციების შეწყვეტაზე უარის თქმა, როგორც ჩანს, ამითაც არის განპირობებული“, - აღნიშნა ხათუნა ლაგაზიძემ.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
შეიძინე Samsung-ის სმარტფონი მხოლოდ ოფიციალური ჰოლოგრამით და ჩაერთე Trade-In აქციაში
„სიმეტრია პარკი“ ოქროყანაში - თბილისს მალე ახალი ჯანსაღი საცხოვრებელი გარემო შეემატება
ჰუალინგის თავისუფალმა ინდუსტრიულმა ზონამ საერთაშორისო აღიარება მოიპოვა
„თქვენს გზავნილზე ახალი საჩუქარია“ - ლიბერთი საერთაშორისო ფულად გზავნილებზე ახალი კამპანიას იწყებს
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს