მიხეილ სააკაშვილის ჯანმრთელობისა და უსაფრთხოების უზრუნველყოფა ყველაზე მნიშვნელოვანი საკითხია და ამაზე პასუხისმგებელი ხელისუფლებაა, - ამის შესახებ საქართველოში საფრანგეთის ელჩმა, დიეგო კოლასმა განაცხადა.

„სხვადასხვა მხარის მხრიდან გამოითქვა შეშფოთება. ხელისუფლებას აღელვებს პენიტენციური სისტემის მთლიანობა. სააკაშვილის მეგობრებსა და მომხრეებს აწუხებთ მისი ღირსება. ყველა პატიმარს აქვს ღირსების უფლება, განსაკუთრებით, როდესაც საქმე ყოფილ პრეზიდენტს ეხება, ამიტომ ეს არის ლეგიტიმური შეშფოთება.

მივიჩნევ, რომ ფართო კონსულტაციები უნდა გამართონ იმისთვის, რომ ყველა ამ შეშფოთებაზე კრეატიული გამოსავალი მოიძებნოს“- აღნიშნა ელჩმა.