გიგა ბოკერია - ივანიშვილის რეჟიმი ნაბიჯ-ნაბიჯ აჩვევს საზოგადოებას, რომ იმ ქვეყნების რიგიდან, რომელსაც სურს თავისუფალი სამყაროს წევრი იყოს, გადავინაცვლეთ პუტინის რუსეთის ბანაკში

როგორი მნიშვნელოვანი პოლიტიკური ფიგურის ვიზიტიც არ უნდა ყოფილიყო, მისი შესვლა პოლიტიკურ პატიმარ სააკაშვილთან ავტომატურად არ წყვეტდა პრობლემას, ეს არ გამოიწვევდა სააკაშვილის გათავისუფლებას, მაგრამ ჩემი ღრმა რწმენაა, რომ წლებია, ივანიშვილის რეჟიმი ნაბიჯ-ნაბიჯ აჩვევს საზოგადოებას, რომ იმ ქვეყნების რიგიდან, რომელსაც სურს თავისუფალი სამყაროს წევრი იყოს, გადავინაცვლეთ პუტინის რუსეთის ბანაკში - ესაა საგანგაშო სიმართლე,- ამის შესახებ “ევროპული საქართველოს” თავმჯდომარე გიგა ბოკერიამ სხვა ოპოზიციონერ ლიდერებთან ერთად პარლამენტში გამართულ ბრიფინგზე განაცხადა, რითაც გამოეხმაურა ევროპარლამენტარ ანა ფოტიგას განცხადებას, რომ ციხეში მიხეილ სააკაშვილის მონახულებაზე უარი მიიღო.

როგორც ბოკერიამ აღნიშნა, სადაც შესაძლოა ევროპელ პოლიტიკოსს ციხეში პატიმრების ნახვაზე უარი უთხრან, ის ქვეყნებია, რომლებსაც თავისუფალი სამყაროს წევრობაზე უარი აქვთ ნათქვამი.

“მარტივია თვალი გადავავლოთ იმ ქვეყნების ჩამონათვალს, სადაც შეიძლება ევროპარლამენტარებს, ან ნებისმიერ ევროპელ პოლიტიკოსს უარი უთხრან ციხეში ნებისმიერი პატიმრის ნახვაზე. ეს ის ქვეყნებია, რომელთაც ღიად აქვთ ნათქვამი უარი თავისუფალი სამყაროს წევრობაზე და არიან იმ ბანაკში, რომელიც უპირისპირდება თავისუფალ სამყაროს და არიან პუტინის რუსეთის ბანაკში. ეს არ არის ულტრირება. არცერთ ქვეყანაში, რომელსაც სურს, რომ იყოს ნატო-ს, ევროკავშირის წევრი ან ზოგადად, თავისუფალი სამყაროს წევრი, არ შეიძლება ეს მოხდეს”,- განაცხადა ბოკერიამ.

ცნობისთვის, ევროპარლამენტარი ანა ფოტიგა აცხადებს, რომ საქართველოს ყოფილი პრეზიდენტის, მიხეილ სააკაშვილის ციხეში მონახულებაზე უარი მიიღო.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება