გურამ მაჭარაშვილი - სააკაშვილის  შიმშილობა პროტესტთან არაა დაკავშირებული,  ეს სპეკულაციაა, რათა მან და მისმა გუნდმა პოლიტიკურ დღის წესრიგზე „იტივტივოს“

“ქართული ოცნების” წევრის გურამ მაჭარაშვილის განცხადებით, მიხეილ სააკაშვილის შიმშილობა პროტესტთან არაა დაკავშირებული და ეს სპეკულაციაა, რათა მან და მისმა გუნდმა “პოლიტიკურ დღის წესრიგზე იტივტივოს”.

როგორც მაჭარაშვილმა აღნიშნა, არ არსებობს პროფესიული დასკვნა, რომ სააკაშვილს რომელიმე სამედიცინო მომსახურება სჭირდება, რომელსაც მე-18 პენიტენციურ დაწესებულებაში ვერ მიიღებს.

“დღემდე არ არსებობს ექიმთა პროფესიული დასკვნა, რომ პატიმარ მიხეილ სააკაშვილს რომელიმე სამედიცინო მომსახურება ესაჭიროება და ასევე პროფესიული დასკვნა, რომ ასეთი მომსახურება არ არის მე-18 დაწესებულებაში. შესაბამისად, ცხადია, პოლიტიკურ სპეკულაციებს ემსგავსება ის, რომ თითქოს ყოფილი პრეზიდენტის შიმშილობა პროტესტთან არის დაკავშირებული. ეს ასე არ არის. ეს არის ჩვეულებრივი სპეკულაცია იმასთან დაკავშირებით, რომ პოლიტიკურ დღის წესრიგზე „იტივტივოს“ სააკაშვილმა და მისმა პოლიტიკურმა გუნდმა”, - განაცხადა მაჭარაშვილმა.

რაც შეეხება მოშიმშილე დეპუტატებს, მაჭარაშვილის განცხადებით, მათ პოლიტიკური რესურსი აღარ აქვთ და შიმშილობას და გზების გადაკეტვას მიმართავენ.

კითხვაზე, “შიმშილობას უფრო მეტი რესურსი სჭირდება, თუ პარლამენტში დებატებს”, გურამ მაჭარაშვილი ამბობს, რომ “შიმშილობა არავითარი საქმე არ არის”.

“სამწუხაროა, რომ პოლიტიკურ ორგანოში დეპუტატები მთავარ ფუნქციად მიიჩნევენ იმას, რომ შიმშილობა დაიწყონ, რათა სხვამ შეწყვიტოს შიმშილობა, ეს პოლიტიკურად არასწორი ნაბიჯია. მთავარ პოლიტიკურ ორგანოში, მითუმეტეს, როდესაც საპარლამენტო ოპოზიცია ხარ, მთავარი ფუნქცია ისაა, რომ ხელისუფლებას ოპონირება უნდა გაუწიო და საპარლამენტო ბერკეტები გამოიყენო. მაგრამ ამ მოშიმშილე დეპუტატებისგან რომელს ჰქონდა პოლიტიკური დებატები?!”- განაცხადა გურამ მაჭარაშვილმა.

შეგახსენებთ, რომ დღეს მიხეილ სააკაშვილის შიმშილობის 47-ე დღეა. ამასთან, პარლამენტში შიმშილობა გამოაცხადეს ოპოზიციონერმა დეპუტატებმა: დავით კირკიტაძემ, აკაკი მინაშვილმა, თემურ ჯანაშიამ, ბაჩუკი ქარდავამ, ნიკა მაჭუტაძემ, გიორგი გოდაბრელიძემ, სულხან სიბაშვილმა, ლევან ბეჟაშვილმა, აბდულა ისმაილოვმა. მანამდე პარლამენტში შიმშილობა „დროას“ ლიდერმა, ელენე ხოშტარიამ დაიწყო, რომელიც უკვე მე-14 დღეა შიმშილობს. გარდა პარლამენტის დეპუტატებისა, შიმშილობა გამოაცხადა „ნაციონალური მოძრაობის“ წევრმა გიორგი ბარამიძემ, რომელიც პარტიის ოფისში შიმშილობს. ყველა მოშიმშილე მიხეილ სააკაშვილის სამოქალაქო კლინიკაში გადაყვანას მოითხოვს.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება