გელა კვაშილავას განცხადებით, 2022 წლიდან მართვის მოწმობის გამოცდის რეალურ პირობებში ჩაბარების სავალდებულოობა, უსაფრთხოების დონეს გააუმჯობესებს

ორგანიზაცია „პარტნიორობა საგზაო უსაფრთხოებისთვის" თავმჯდომარის, გელა კვაშილავას განცხადებით, 2022 წლიდან მართვის მოწმობის გამოცდის რეალურ პირობებში ჩაბარების სავალდებულოობა, უსაფრთხოების დონეს გააუმჯობესებს. ამასთან, კვაშილავას განცხადებით, საგზაო-სატრანსპორტო შემთხვევების მიზეზის დაახლოებით 30% მძღოლების პრაქტიკულ პირობებში გამოცდილების არ ქონა იყო.

„ჩვენი ორგანიზაციის დაკვირვებით ვინც რუსთავში აბარებდა გამოცდებს, 10-დან 5 მათგანი თავისით თბილისში ვერ ბრუნდებოდა და პრაქტიკულად შემდეგ სწავლობდა ტარებას. ეს ნიშნავს, რომ მათ პრაქტიკულ პირობებში გამოცდილება საერთოდ არ ჰქონდათ და საგზაო-სატრანსპორტო შემთხვევების ძირითადი მიზეზი პრაქტიკულ პირობებში გამოცდილების არ ქონაც იყო - დაახლოებით 30%. ამ კანონპროექტის მიღება, რა თქმა უნდა, გააუმჯობესებს უსაფრთხოების დონეს, შეუწყობს ჩვენი სატრანსპორტო სისტემის ინტეგრირებას ევროპულ სივრცესთან და იქ ჩვენი მართვის მოწმობებით უფრო თავისუფლად გვექნება გადაადგილების საშუალება. ამასთან, ავტოსკოლებს უკვე უფრო მეტად მაღალი მოთხოვნები ექნებათ, რადგან გამოცდა მხოლოდ თეორიულად აღარ იქნება და ავტოსკოლებიც უკვე სხვა დონეზე იქნება და სწავლების პროცესი ავტომატურად უფრო დაიხვეწება“, - განაცხადა კვაშილავამ.

როგორც კვაშილავამ ბრიფინგზე განაცხადა, საქართველომ უნდა მიიღოს კანონი, რომლის მიხედვითაც, მოტოციკლეტების თვითნებურად გადაკეთება და დამატებითი ხმაურის გამოწვევა შეუძლებელი უნდა იყოს.

„თუ გყავს მოტოციკლეტი, ეს უნდა აკმაყოფილებდეს რაღაც სტანდარტებს, ხმაურის და მისი გადაკეთება შეუძლებელი უნდა იყოს. ეს ძალიან მნიშვნელოვანი პრობლემაა და ბევრს აწუხებს და იმის გათვალისწინებით, რომ ასეთ სატრანსპორტო საშუალებების რაოდენობა იზრდება, ეს პრობლემა კიდევ უფრო გაიზრდება“, - განაცხადა "კვირის პრესკლუბში" კვაშილავამ.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 04.07.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
სოსო ტყემალაძე - აბასთუმნის კურორტის განვითარებისთვის, რომლის ინიციატივა ბიძინა ივანიშვილს ეკუთვნის, 1.3 მილიარდი ლარი დაიხარჯება
ბილბორდი - საქართველო - BILLBOARD GEORGIA - საქართველოში მუსიკალურ ჩარტებსა და სიახლეებს შემოიტანს