სახალხო დამცველთან არსებული ექიმთა კონსილიუმის წევრები ჯანდაცვის მინისტრ ეკატერინე ტიკარაძეს ხვდებიან. ამის შესახებ ინფორმაციას სახალხო დამცველის აპარატი ავრცელებს.
როგორც ცნობილია, სახალხო დამცველმა მიხეილ სააკაშვილის სამედიცინო მომსახურების მონიტორინგის მიზნით მულტიპროფილურ ექსპერტთა ჯგუფი რამდენიმე დღის წინ შექმნა.
ჯგუფი უკვე იმყოფებოდა მე-18 სამკურნალო დაწესებულებაში და შესაბამისი დასვკნაც გამოაქვეყნა, რომლის თანახმად, პაციენტ მიხეილ სააკაშვილის მდგომარეობის კრიტიკულობიდან გამომდინარე, მისი მკურნალობის გაგრძელება დაუყოვნებლივ რეკომენდებულია ფუნქციურად გამართულ და დიდი გამოცდილების მქონე პოლიპროფილურ ჰოსპიტალში კერძოდ ინტენსიური თერაპიის განყოფილებაში, რის პირობებსაც მე-18 დაწესებულების კლინიკა არ აკმაყოფილებს.
ინფორმაციისთვის, საქართველოს მესამე პრეზიდენტმა მიხეილ სააკაშვილმა, რომელიც გლდანის ციხის სამკურნალო დაწესებულებაში იყმოფება, გონება დაკარგა. ექიმ - რეანიმატოლოგის ინფორმაციით, მცირე რენიმაციული ღონისძიებების შედეგად მიხეილ სააკაშვილის მდგომარეობა სტაბილურია. მიხეილ სააკაშვილი ახლა რეანიმაციაში იმყოფება.